Liewe Broeders en Susters. As jy wil regverdig wees, moet dit nie net sê nie, doen dit so.
Josua 19
v.1..9 Die 2de loting was vir die families van die stam Simeon. Hulle eiendom was binne-in dié van die gebied van die stam van Juda. Hulle het die gebied gedeel omdat dit te groot was vir die stam van Juda.
v.10..16 Die 3de loting was vir die families in die stam Sebulon. Die gebied tot by Sarid.
v.17..23 Die 4de loting was vir die families in die stam Issaskar.
v.23..31 Die 5de loting was vir die families in die stam Aser.
v.32..39 Die 6de loting was vir die families in die stam Naftali.
v.40.. Vir die families in die stam Dan, is 7de geloot.
v.47.. Die stam Dan het sy gebied verloor en het toe vir Lesem aangeval en verower en daar gaan woon. Lesem se naam is toe verander na Dan.
v.49.. Nadat die Israeliete die land in sy onderskeie gebiede aan die stamme toegewys het, het Josua aan die beurt gekom. Die Israeliete het die toewysing gemaak en Josua het ‘n eiendom tussen die van hulle ontvang. Op bevel vd Here het hulle hom die stad gegee wat hy gevra het. Dit was Timnat-Serag in die Efraïmsberge. Hy het die stad herbou en daar gaan woon.
v.51.. Hier word afgesluit deur weer te sê dat die verdeling en toekenning deur loting in Silo in die teenwoordigheid van die Here, by die ingang van die tent van ontmoeting, plaasgevind het.
*Hierdie tema van die verdeling van die land, hou ons al ‘n paar dae besig. Hier kom later nog dinge oor die asielstede en die Leviete wat iets tussen almal kry.
* Gister het ons na die beginsel van samewerking tot ‘n regverdige bestel of verdeling gekyk. Vandag se hoofstuk voer dit uit. Ons sien dat daarby gehou is. Op ‘n stadium kan jy dalk kyk wat van elke stam se gebied gesê word. Ds. Willem Vogel het een keer hier by ons kom preek oor die stam Sebulon en hulle grondgebied. Dit was nou regtig insiggewend.
* Ons sien ook dat Josua sy beurt gekry het. Die leier was laaste aan die beurt, maar tog het hy sy regmatige deel gekry. Wat mooi is, is dat die Here deur die Israeliete die uitdeel proses omgedraai het. Eers was Josua die ou wat die leiding geneem het en ander het ontvang, en toe deel die Israeliete uit en Josua ontvang. Die belofte aan Kaleb en Josua is dus nou volledig uitgevoer, al was Kaleb eerste aan die beurt en Josua laaste.
* Almal het dus nou ‘n beurt gekry. Die groot ding is nou net wat maak jy met wat jy ontvang?
* Wat ook beklemtoon word, is dat die hele proses in die teenwoordigheid van die Here plaasgevind het, van die begin tot die einde.
* Wat maak jy met wat jy van die Here ontvang? Is dit vanselfsprekend of ‘n gawe?
* Ken jy die Here in alles, ek bedoel alles? So gaan jy met genade geworstel kry deur die beproewinge en versoekings. So gaan jy ook in tyd van vreugde nie vergeet van die Here nie.
* Ons moet net weer beklemtoon dat gebed en Bybellees een van die belangrikste items op jou dag se agenda moet wees.
Mag u/jy geseënd wees en ‘n seën wees.
Joop van Schaik
2008/11/12
2008/11/11
Oordenking: Josua 18 - Samewerking tot regverdigheid
Broeders en Susters. Regverdige verdeling van grond vind hier by Israel plaas. Die manier wat waarop dit gedoen is, is baie insiggewend.Werk saam tot op die punt waar almal dink dis regverdig wat gedoen word en ontvang word.
Josua 18
v.1.. Die hele Israelietiese volksvergadering het in Silo bymekaar gekom en die tent van ontmoeting is daar opgeslaan. Die land was onder hulle beheer gewees, maar daar was nog 7 stamme wat nog nie hulle grondgebied ontvang het nie.
v.3.. Josua spreek hulle aan omdat hulle nog nie die lang in besit gaan neem het nie. Hy vra toe 3 manne uit elke stam met die doel om hulle te stuur na die hele gebied toe. Hierdie saamgestelde groep moes die hele gebied wat oor is, in 7 dele te verdeel.
v.6.. In teenwoordigheid vd Here sal daar deur loting ‘n toewysing gemaak word. Die Leviet kry nie ‘n deel nie want hulle woon tussen die ander stamme en lewe uit wat die Here toekom.
v.9.. Die Manne is toe weg en het in ‘n boek ‘n beskrywing vd 7dele opgeteken, stad vir stad.
v.10.. Josua het in teenwoordigheid vd Here die loting gedoen en die land verdeel.
v.11.. Deur loting is ‘n gebied aan die stam van Benjamin toegeken tussen die gebiede van die stamme van Juda en Josef (Manasse en Efraim).
v.12...28 Al die grense was vasgestel en dit is in besit geneem der die families van Benjamin.
* Die tent van ontmoeting was die reisende opslaankerk gewees. Orals waarheen die volk getrek het, is die tent van ontmoeting saam geneem. Later sou die tempel in Jerusalem die tent van ontmoeting vervang. Wanneer die volk by die Here moet hoor wat hulle moet doen, of as die Here met hulle wou praat, het die priester of leier na die tent van ontmoeting toe gegaan. Daar het die Here in ‘n wolk aan hulle verskyn en Sy wil en bevele is oorgedra. So moes die volk dan doen wat aan hulle gesê is.
* Hoe verdeel jy nou ‘n stuk land regverdig? Dink bietjie aan jou kinderdae. 2 kinders moet ‘n stuk koek deel. Wat is die beste manier om die verdeling te maak? Die een wat die koek op deel, moet die kleinste stukkie vat. Nodeloos om te sê dat daardie stuk koek 50/50 opgedeel is.
* Hier het die Here deur Samuel ‘n skitterend plan gemaak. 3 manne van elke stam moes saamkom om 7 gelykwaardige areas in te deel. Die toekenning is deur loting gemaak. Die groot ding was dat hulle almal wat daar teenwoordig was, sal sorg dat al 7 dele ewe goed is, want hy is tog so bang hy kry dalk die swakker deel. Op die ou end is al 7 dele baie goed verdeel.
* Ons het hier amper iets soos ‘n Klassis vergadering, of dalk ‘n Streek-Sinode sitting. Afgevaardigdes van al die gemeentes kom bymekaar om gemeenskaplikse sake te bespreek. Wanneer daar oor iets verskil word, word daar gewerk na ‘n punt van wedersydse instemming. Die GKSA het juis volgende week 7 Streek-Sinodes wat in sitting gaan wees. Die 7 Streek-Sinodes se afgevaardigdes gaan dan vanaf 5 Januarie tot 17 Januarie 09 die Nasionale Sinode vergadering hou. Hier word dan weer besin oor al die gemeenskaplike sake van die Gereformeerde Kerke van Suid-Afrika. Doen asb. Voorbidding in daardie tyd sodat daar met wysheid gehandel kan word.
*Jy kan hierdie beginsels van afvaardiging om te besin oor ‘n regverdige toedeling of besluitneming oor iets, ook in jou werk gebruik. Werk saam tot ‘n punt waar jy saamstem, of jy totdat tevrede is met die uitslag van ‘n stemming.
* In die kleiner kring behoort jy ook ‘n probleem uit te praat en vredevolle oplossings te soek.
* Gelukkig loot die Here nie oor jou plek in die hemel nie. Hy het Jesus Christus klaar gestuur om jou plek in die hemel gereed te maak. Wat van jou verwag word, is ‘n dankbare leefstyl. Probeer ook regverdig wees met mense wat op jou pad kom.
* Geniet en waardeer wat jy van die Here ontvang.
Baie groete en sterkte
Joop van Schaik
Josua 18
v.1.. Die hele Israelietiese volksvergadering het in Silo bymekaar gekom en die tent van ontmoeting is daar opgeslaan. Die land was onder hulle beheer gewees, maar daar was nog 7 stamme wat nog nie hulle grondgebied ontvang het nie.
v.3.. Josua spreek hulle aan omdat hulle nog nie die lang in besit gaan neem het nie. Hy vra toe 3 manne uit elke stam met die doel om hulle te stuur na die hele gebied toe. Hierdie saamgestelde groep moes die hele gebied wat oor is, in 7 dele te verdeel.
v.6.. In teenwoordigheid vd Here sal daar deur loting ‘n toewysing gemaak word. Die Leviet kry nie ‘n deel nie want hulle woon tussen die ander stamme en lewe uit wat die Here toekom.
v.9.. Die Manne is toe weg en het in ‘n boek ‘n beskrywing vd 7dele opgeteken, stad vir stad.
v.10.. Josua het in teenwoordigheid vd Here die loting gedoen en die land verdeel.
v.11.. Deur loting is ‘n gebied aan die stam van Benjamin toegeken tussen die gebiede van die stamme van Juda en Josef (Manasse en Efraim).
v.12...28 Al die grense was vasgestel en dit is in besit geneem der die families van Benjamin.
* Die tent van ontmoeting was die reisende opslaankerk gewees. Orals waarheen die volk getrek het, is die tent van ontmoeting saam geneem. Later sou die tempel in Jerusalem die tent van ontmoeting vervang. Wanneer die volk by die Here moet hoor wat hulle moet doen, of as die Here met hulle wou praat, het die priester of leier na die tent van ontmoeting toe gegaan. Daar het die Here in ‘n wolk aan hulle verskyn en Sy wil en bevele is oorgedra. So moes die volk dan doen wat aan hulle gesê is.
* Hoe verdeel jy nou ‘n stuk land regverdig? Dink bietjie aan jou kinderdae. 2 kinders moet ‘n stuk koek deel. Wat is die beste manier om die verdeling te maak? Die een wat die koek op deel, moet die kleinste stukkie vat. Nodeloos om te sê dat daardie stuk koek 50/50 opgedeel is.
* Hier het die Here deur Samuel ‘n skitterend plan gemaak. 3 manne van elke stam moes saamkom om 7 gelykwaardige areas in te deel. Die toekenning is deur loting gemaak. Die groot ding was dat hulle almal wat daar teenwoordig was, sal sorg dat al 7 dele ewe goed is, want hy is tog so bang hy kry dalk die swakker deel. Op die ou end is al 7 dele baie goed verdeel.
* Ons het hier amper iets soos ‘n Klassis vergadering, of dalk ‘n Streek-Sinode sitting. Afgevaardigdes van al die gemeentes kom bymekaar om gemeenskaplikse sake te bespreek. Wanneer daar oor iets verskil word, word daar gewerk na ‘n punt van wedersydse instemming. Die GKSA het juis volgende week 7 Streek-Sinodes wat in sitting gaan wees. Die 7 Streek-Sinodes se afgevaardigdes gaan dan vanaf 5 Januarie tot 17 Januarie 09 die Nasionale Sinode vergadering hou. Hier word dan weer besin oor al die gemeenskaplike sake van die Gereformeerde Kerke van Suid-Afrika. Doen asb. Voorbidding in daardie tyd sodat daar met wysheid gehandel kan word.
*Jy kan hierdie beginsels van afvaardiging om te besin oor ‘n regverdige toedeling of besluitneming oor iets, ook in jou werk gebruik. Werk saam tot ‘n punt waar jy saamstem, of jy totdat tevrede is met die uitslag van ‘n stemming.
* In die kleiner kring behoort jy ook ‘n probleem uit te praat en vredevolle oplossings te soek.
* Gelukkig loot die Here nie oor jou plek in die hemel nie. Hy het Jesus Christus klaar gestuur om jou plek in die hemel gereed te maak. Wat van jou verwag word, is ‘n dankbare leefstyl. Probeer ook regverdig wees met mense wat op jou pad kom.
* Geniet en waardeer wat jy van die Here ontvang.
Baie groete en sterkte
Joop van Schaik
2008/11/10
Oordenking: Josua 17:14-18 - Vra en bring jou kant
Broeders en Susters, vra gerus vir meer, maar moet dit nie te ver vat nie. Staan op en bring jou kant.
Josua 17:14-18
v.14.. Die nakomelinge van Josef het met Josua gaan praat: Waarom loot u vir ons net een keer? Ons is baie mense, want die Here het ons besonderlik geseën. (Gideon het teenoorgestelde rede gebruik as ‘n verskoning – ek is uit die kleinste familie – Rigters 6).
v.15.. Josua erken dat hulle baie is en sê dat hulle ‘n stuk boswêreld kan gaan skoonmaak in die gebied van die Feresiete en die Refaïte. Hulle reageer en sê dat die Bergland ook nie groot genoeg is nie. Boonop het die Kanaäniete wat daar rond woon ysterstrydwaens.
v.17.. Josua hou egter by sy besluit, hulle kry die Bergland by en dis dit. Wat hy óók sê, is dat die Kanaiete wel ysterstrydwaens het en dat hulle sterk is, maar Josef se nageslag, Manasse en Efraïm sál hulle uitdryf.
*Josef se nageslag, Manasse en Efraïm was skielik nie meer die kleinste groep mense nie. Hulle erken ook dat die Here hulle geseën het.
* Hulle vra nóg grond, hulle krý nog grond, maar is nie tevrede nie. Die ouens gaan nou te ver, dit klink of hulle die broodjie aan albei kante gebotter wil hê. Vra is vry, en die weier...
*Hulle het gekry, maar net genoeg. Hulle moes ook hulle kant bring deur self in te spring en hulle vrees teen die vyand te oorkom. Die ysterstrydwaens was ‘n teken van mag, krag en oorwinning. Tog, al was die Refaïte ook deel van die reuse, al was daar ysterstrydwaens, kry hulle die versekering dat hulle wel sal oorwin.
* Dis eintlik baie mooi hoe die Here deur Josua hier met die Josef ouens werk. Daar word toeggegee net tot op ‘n punt. Dan word die streep getrek en jy moet dan met geloof inspring.
* Vandag kan jy ook met vrymoedigheid vra. Jy kan vra by die Here en jy kan vra by enige mens, jou werkgewer, jou regeerder, jou... Onthou net dat jy nie alles net so op ‘n skinkbord kan kry nie. Jy moet leer om te kan presteer. Jy moet werk om ‘n inkomste te verkry. Jy moet verantwoordelik wees en dit wat aan jou opgedra word, na te kom...
* Wat jy wel op ‘n skinkbord kry, is die ewige lewe, die verlossing van jou sondes. Jy kan dit nie verdien of koop nie. Máár, omdat jy die ewige lewe as geskenk, uit genade ontvang, kan jy nie anders as om self in te spring en uit dankbaarheid te werk en te leef nie.
* Dus, vra gerus met vrymoedigheid, maar moet dit nie te ver vat nie. Erken God se seën in jou lewe. Vra genade en moed en spring in teen die reuse en die ysterstrydwaens in jou lewe. Jy is klaar verlos, veg dus die stryd hier op aarde omdat jy klaar die oorwinnaar is saam met Jesus Christus. Kom uit dankbaarheid jou verantwoordelikheid na teenoor God, jou geliefdes, jou werkgewer en kollegas, jou kerk....
* Priotoriseer asb. Vra wat God wil hê jy eerste moet doen.
* Baie sterkte, dié tyd van die jaar is maar vol druk en spanning. Take moet afgehandel word en volgende jaar sin word al beplan. Dis ‘n dubbele vrag, dis ‘n reus op ‘n strydwa, maar jy sal dit oorwin.
Baie sterkte en seën vir u.
Joop van Schaik
Josua 17:14-18
v.14.. Die nakomelinge van Josef het met Josua gaan praat: Waarom loot u vir ons net een keer? Ons is baie mense, want die Here het ons besonderlik geseën. (Gideon het teenoorgestelde rede gebruik as ‘n verskoning – ek is uit die kleinste familie – Rigters 6).
v.15.. Josua erken dat hulle baie is en sê dat hulle ‘n stuk boswêreld kan gaan skoonmaak in die gebied van die Feresiete en die Refaïte. Hulle reageer en sê dat die Bergland ook nie groot genoeg is nie. Boonop het die Kanaäniete wat daar rond woon ysterstrydwaens.
v.17.. Josua hou egter by sy besluit, hulle kry die Bergland by en dis dit. Wat hy óók sê, is dat die Kanaiete wel ysterstrydwaens het en dat hulle sterk is, maar Josef se nageslag, Manasse en Efraïm sál hulle uitdryf.
*Josef se nageslag, Manasse en Efraïm was skielik nie meer die kleinste groep mense nie. Hulle erken ook dat die Here hulle geseën het.
* Hulle vra nóg grond, hulle krý nog grond, maar is nie tevrede nie. Die ouens gaan nou te ver, dit klink of hulle die broodjie aan albei kante gebotter wil hê. Vra is vry, en die weier...
*Hulle het gekry, maar net genoeg. Hulle moes ook hulle kant bring deur self in te spring en hulle vrees teen die vyand te oorkom. Die ysterstrydwaens was ‘n teken van mag, krag en oorwinning. Tog, al was die Refaïte ook deel van die reuse, al was daar ysterstrydwaens, kry hulle die versekering dat hulle wel sal oorwin.
* Dis eintlik baie mooi hoe die Here deur Josua hier met die Josef ouens werk. Daar word toeggegee net tot op ‘n punt. Dan word die streep getrek en jy moet dan met geloof inspring.
* Vandag kan jy ook met vrymoedigheid vra. Jy kan vra by die Here en jy kan vra by enige mens, jou werkgewer, jou regeerder, jou... Onthou net dat jy nie alles net so op ‘n skinkbord kan kry nie. Jy moet leer om te kan presteer. Jy moet werk om ‘n inkomste te verkry. Jy moet verantwoordelik wees en dit wat aan jou opgedra word, na te kom...
* Wat jy wel op ‘n skinkbord kry, is die ewige lewe, die verlossing van jou sondes. Jy kan dit nie verdien of koop nie. Máár, omdat jy die ewige lewe as geskenk, uit genade ontvang, kan jy nie anders as om self in te spring en uit dankbaarheid te werk en te leef nie.
* Dus, vra gerus met vrymoedigheid, maar moet dit nie te ver vat nie. Erken God se seën in jou lewe. Vra genade en moed en spring in teen die reuse en die ysterstrydwaens in jou lewe. Jy is klaar verlos, veg dus die stryd hier op aarde omdat jy klaar die oorwinnaar is saam met Jesus Christus. Kom uit dankbaarheid jou verantwoordelikheid na teenoor God, jou geliefdes, jou werkgewer en kollegas, jou kerk....
* Priotoriseer asb. Vra wat God wil hê jy eerste moet doen.
* Baie sterkte, dié tyd van die jaar is maar vol druk en spanning. Take moet afgehandel word en volgende jaar sin word al beplan. Dis ‘n dubbele vrag, dis ‘n reus op ‘n strydwa, maar jy sal dit oorwin.
Baie sterkte en seën vir u.
Joop van Schaik
2008/11/06
Oordenking: Josua 16, 17 - Aanbid God alleen en wees regverdig in jou optrede
Liewe susters en broeders. Ons gaan voort met die verdeling van die grondgebied tussen die stamme van Israel.
Josua 16
v.1.. Aan die nakomelinge van Josef is deur loting ‘n gebied toegeken wat strek vd Jordaan af regoor Jerigo, oos vd Jerigofonteine.
v.4.. Die stamme Manasse en Efraim, nakomelinge van Josef, het die grondgebied gekry.
v.5.. Meer inligting word gegee oor die gebied wat die families van Efraim ontvang.
v.9.. Daarby het ook nog die stede en buiteposte gekom wat aan die Efraimiete toegeken is binne-in die grondgebied van Manasse.
v.10.. Die Efraimiete het nie al die Kanaäniete verdryf wat in Geser gewoon het nie. Die Kanaäniete het dwangarbeid vir die Efraimiete gedoen.
Josua 17
v.1.. aan Josef se oudste seun, Manasse se families, is ook deur loting ’n gebied toegeken.
v.3.. Selofgad wat ook uit die geslag van Manasse was, het nie seuns gehad nie, net dogters. Hulle name word ook vermeld: Magla, Noa, Gogla, Milka en Tirsa. Hierdie dogters het na priester Eleasar en Josua en na die leiers gegaan en hulle herinner aan die bevel van Moses. Die bevel was dat hulle ook grond onder die stamgenote moet kry. So het hierdie dogters uit die Manassestam ook hulle grondgebied gekry saam met die mans.
v.12.. Die mense van Manasse kon egter ook nie die stede verower nie, en die Kanaäniete het in die gebied bly woon. Later het die Israeliete wel sterker geword en het die Kanaäniete dwangarbeid laat doen.
* Omdat die stam van Levi as prieters opgetree het, is die twee seuns van Josef gereken in hulle plek. Josef se seuns was Efraim en Manasse. (Israel se 12 stamme: 12-1 + 2 = 12)
* Daar was weer deur loting woongebiede uitgedeel. Ook hier het die Kanaäniete oorleef, al het hulle dwangarbeid gedoen vir Israel. Sommige van die Kanaäniete het waarskynlik ook soos die Israeliete vir God aanbid. Tog het die meeste Kanaäniete hulle gode bly aanbid. Die versagting teen afgode was later Israel se ondergang.
* In vandag se tyd is dit ook dikwels die hoofoorsaak waarom Christene en die Christelike Kerk seer kry. Sogenaamde godsdiensvryheid en verdraagsaamheid word van ons verwag. Dis alles goed en wel, maar op die ou end raak ons so mak teenoor ander godsdienste, dat ons hulle god as gelykwaardig beskou. Dit lei weer na die New-Age.
* Iemand het juis vandag navraag gedoen oor wat ek dink van die New-Age beweging. Dit is niks anders as vermenging van godsdienste nie. Die N-A beweging sê dat alle godsdienste dieselfde god aanbid. Dit is ‘n afskuwelike leuen. Die Skrif sê baie duidelik dat net die Here God van die Bybel waarlik God is, die Drie-Enige God: Vader, Seun en Heilige Gees. Die Bybel is propvol hiervan. Ek noem net ‘n paar: Deut.32:39; Jes.41;13; Jes.433,10,12,15; Jes.44:6,8; Jes.45:5,6,18,21,22. Jy moet alles in jou vermoë doen om God as Enigeste ware God self te dien en ook die wêreld te leer dat daar net Een ware God is.
* In die Ou Testamentiese tyd was die oudste seun van geslag tot geslag genoem. Onder hom was die res van die familie wel gereken. Wanneer daar dan nie seuns was nie, maar net dogters, was hulle nie net buite rekening gelaat nie. Hulle het die volle maat ontvang wat hulle toegekom het. Gaan lees gerus meer oor Selofgad in Num.26,27 en 36. Ook in 1 Kron 7:15 word van hulle melding gemaak. Die punt is dus omregverdig te wees met almal, ook wanneer ‘n verdeling gemaak word van eiedom en goedere.
* Aanbid God Drie-Enig alleen en wees regverdig in jou optrede teenoor ander, manlik en vroulik, jonk en oud.
Baie sterkte en seën word u/jou toegebid.
Joop van Schaik
Josua 16
v.1.. Aan die nakomelinge van Josef is deur loting ‘n gebied toegeken wat strek vd Jordaan af regoor Jerigo, oos vd Jerigofonteine.
v.4.. Die stamme Manasse en Efraim, nakomelinge van Josef, het die grondgebied gekry.
v.5.. Meer inligting word gegee oor die gebied wat die families van Efraim ontvang.
v.9.. Daarby het ook nog die stede en buiteposte gekom wat aan die Efraimiete toegeken is binne-in die grondgebied van Manasse.
v.10.. Die Efraimiete het nie al die Kanaäniete verdryf wat in Geser gewoon het nie. Die Kanaäniete het dwangarbeid vir die Efraimiete gedoen.
Josua 17
v.1.. aan Josef se oudste seun, Manasse se families, is ook deur loting ’n gebied toegeken.
v.3.. Selofgad wat ook uit die geslag van Manasse was, het nie seuns gehad nie, net dogters. Hulle name word ook vermeld: Magla, Noa, Gogla, Milka en Tirsa. Hierdie dogters het na priester Eleasar en Josua en na die leiers gegaan en hulle herinner aan die bevel van Moses. Die bevel was dat hulle ook grond onder die stamgenote moet kry. So het hierdie dogters uit die Manassestam ook hulle grondgebied gekry saam met die mans.
v.12.. Die mense van Manasse kon egter ook nie die stede verower nie, en die Kanaäniete het in die gebied bly woon. Later het die Israeliete wel sterker geword en het die Kanaäniete dwangarbeid laat doen.
* Omdat die stam van Levi as prieters opgetree het, is die twee seuns van Josef gereken in hulle plek. Josef se seuns was Efraim en Manasse. (Israel se 12 stamme: 12-1 + 2 = 12)
* Daar was weer deur loting woongebiede uitgedeel. Ook hier het die Kanaäniete oorleef, al het hulle dwangarbeid gedoen vir Israel. Sommige van die Kanaäniete het waarskynlik ook soos die Israeliete vir God aanbid. Tog het die meeste Kanaäniete hulle gode bly aanbid. Die versagting teen afgode was later Israel se ondergang.
* In vandag se tyd is dit ook dikwels die hoofoorsaak waarom Christene en die Christelike Kerk seer kry. Sogenaamde godsdiensvryheid en verdraagsaamheid word van ons verwag. Dis alles goed en wel, maar op die ou end raak ons so mak teenoor ander godsdienste, dat ons hulle god as gelykwaardig beskou. Dit lei weer na die New-Age.
* Iemand het juis vandag navraag gedoen oor wat ek dink van die New-Age beweging. Dit is niks anders as vermenging van godsdienste nie. Die N-A beweging sê dat alle godsdienste dieselfde god aanbid. Dit is ‘n afskuwelike leuen. Die Skrif sê baie duidelik dat net die Here God van die Bybel waarlik God is, die Drie-Enige God: Vader, Seun en Heilige Gees. Die Bybel is propvol hiervan. Ek noem net ‘n paar: Deut.32:39; Jes.41;13; Jes.433,10,12,15; Jes.44:6,8; Jes.45:5,6,18,21,22. Jy moet alles in jou vermoë doen om God as Enigeste ware God self te dien en ook die wêreld te leer dat daar net Een ware God is.
* In die Ou Testamentiese tyd was die oudste seun van geslag tot geslag genoem. Onder hom was die res van die familie wel gereken. Wanneer daar dan nie seuns was nie, maar net dogters, was hulle nie net buite rekening gelaat nie. Hulle het die volle maat ontvang wat hulle toegekom het. Gaan lees gerus meer oor Selofgad in Num.26,27 en 36. Ook in 1 Kron 7:15 word van hulle melding gemaak. Die punt is dus omregverdig te wees met almal, ook wanneer ‘n verdeling gemaak word van eiedom en goedere.
* Aanbid God Drie-Enig alleen en wees regverdig in jou optrede teenoor ander, manlik en vroulik, jonk en oud.
Baie sterkte en seën word u/jou toegebid.
Joop van Schaik
2008/11/05
Oordenking: Josua 15
Dagsê Broeders en Susters in Christus. Ek was vir twee dae in Potchefstroom gewees. Dit was ‘n voorreg om betrokke te wees by die GKSA se sustentasie deputate vergadering. By hierdie vergadering word fondse toegedeel aan gemeentes in SA + Namibië wat in nood is.
Josua 15
Ons het met Jos.14 te doen gehad met Kaleb wat hom beroep het op ‘n belofte wat 45 jaar terug aan hom gemaak is. Met Josua 15 kry ons verder te doen die stamgebied vir Juda en ons hoor ook weer van Kaleb, die keer ook van sy familie.
v.1.. Aan die families in die stam Juda is deur loting ‘n gebied toegeken. Dit strek suidwaarts tot aan die verre suidekant van die Sinwoestyn en teen die grens van Edom.
v.2.. Die suidelike grens begin by die Soutsee se deel wat suid strek. v.5.. Die oostelike grens is die Soutsee tot waar die Jordaan in die see inloop. Die noordelike grens word getrek. v.12.. Die westelike grens is die die kus vd Groot See.
v.13.. Aan Kaleb het Josua, soos die Here hom beveel het, ‘n eie gebied toegeken tussen die mense van Juda, dis nou Hebron. Kaleb het die Enakiete (reuse) Sesai, Agiman en Talmai uit Hebron verdryf. v.15..Daarna is Debir aangeval. Kaleb het ‘n beloning uitgereik vir die man wat Debir verslaan en inneem. Die beloning is sy dogter Aksa. (vgl.Saul,sy dogter en Dawid).
v.17.. Kaleb se jonger broer se seun Otniël (vgl.Rigters 1 en 3), het Debir ingeneem en Aksa as vrou ontvang. Aksa het by haar man Otniël aangedring dat hy by Kaleb haar pa moet vra vir landbougrond. v.19.. Toe sy by pa Kaleb kom, vra hy toe aan haar wat dit is wat sy wil hê. Sy antwoord dat hulle net ‘n deel vd droeë Suidlang gekry het en dat sy ook vrugbare grond en standhoudende water wil hê. Kaleb gee vir Aksa fonteine in die hooggeleë deel en in die laaggeleë deel.
Nou word die stede uitgedeel.
v.20.. Die families in die stam van Juda het die volgende gebied as besitting ontvang. 29 stede met hulle buiteposte, wat ver suid was, is vir hulle gegee.
v.33.. In die Lae veld was daar 14 + 16 + 9 + nog stede en hul buiteposte gegee.
v.48.. In die Bergland was daar 11 + 9 + 10 + 2 stede en hul buiteposte gegee.
v.61.. In die Woestyn was 6 stede en hul buite poste gegee.
v.63.. Die mens van Juda kon dit egter nie regkry om die Jebusiete, die inwoners van Jerusalem, te verdryf nie. Hulle het toe saam met die mense van Juda gebly.
*Deur loting word bepaal waar die grense vir die stam Juda strek. Loting in die verband is ‘n godsdienstige handeling in opdrag van die Here. Vandag se lotery kan jy nie goedkeur nie want dit gaan oor selfverryking. Hier was dit ‘n blote instrument om grond en stede te verdeel.
* Soos Saul, reik Kaleb sy dogter uit as prys vir ‘n dapper man. Otniël is net so dapper soos sy oom en doen die ding. Hy kry Aksa as vrou en word sommer Kaleb se skoonseun.
* Kaleb se dogter Aksa, het net soveel moed soos haar pa en haar man. Kaleb het Josua herinner aan die beloftes van grond, nou stoot Aksa haar man voor om aan pa Kaleb nog grond en water te vra. Kaleb neem dit in ag en gee dit op versoek van sy dogter. Ja, die appel van nie ver van die boom nie.
* Oral word stede en hul buiteposte uitgewys en ingedeel om in te neem. Die Jebusiete van Jerusalem was egter nie in vir oorname nie. Hulle het saamgebly en dus vermeng.
* Jy kan dus hiermee leer dat daar ook ‘n tyd is om te praat. Jy kan op ‘n mooi manier sake op jou hart oordra. Dit is ‘n voorreg om op ‘n mooi manier ‘n standpunt of versoek te stel. Die geheim is mos maar altyd die hoe. Wees egter altyd redelik, billik en opreg.
* Jy kan en mag en behoort die vrymoedigheid te neem om God die Vader, olv die Heilige Gees en in die Naam van Jesus Christus, te nader. Die Here het jou as Sy kind gemaak en hier op aarde gestel. Hy wil hê dat jy met Hom praat, Hom loof en prys, Hom dank, asook om Hom te vra en te smeek. Smeek om vergifnis en vra wat jy nodig het. Vra ook die Vader dat Hy jou grense verbreed, want so kan jy jou deel doen om Sy Koninkryk verder te laat kom.
* Wees dus aan die eenkant dankbaar vir wat jy het, maar aan die anderkant kan jy met vrymoedigheid ook vra. Wie weet wat die Here nog vir jou beplan? Hy wag net dat jy ryp is om jou tot ‘n verdere bestemming te laat beweeg.
Baie sterkte en seën.
Joop van Schaik
Josua 15
Ons het met Jos.14 te doen gehad met Kaleb wat hom beroep het op ‘n belofte wat 45 jaar terug aan hom gemaak is. Met Josua 15 kry ons verder te doen die stamgebied vir Juda en ons hoor ook weer van Kaleb, die keer ook van sy familie.
v.1.. Aan die families in die stam Juda is deur loting ‘n gebied toegeken. Dit strek suidwaarts tot aan die verre suidekant van die Sinwoestyn en teen die grens van Edom.
v.2.. Die suidelike grens begin by die Soutsee se deel wat suid strek. v.5.. Die oostelike grens is die Soutsee tot waar die Jordaan in die see inloop. Die noordelike grens word getrek. v.12.. Die westelike grens is die die kus vd Groot See.
v.13.. Aan Kaleb het Josua, soos die Here hom beveel het, ‘n eie gebied toegeken tussen die mense van Juda, dis nou Hebron. Kaleb het die Enakiete (reuse) Sesai, Agiman en Talmai uit Hebron verdryf. v.15..Daarna is Debir aangeval. Kaleb het ‘n beloning uitgereik vir die man wat Debir verslaan en inneem. Die beloning is sy dogter Aksa. (vgl.Saul,sy dogter en Dawid).
v.17.. Kaleb se jonger broer se seun Otniël (vgl.Rigters 1 en 3), het Debir ingeneem en Aksa as vrou ontvang. Aksa het by haar man Otniël aangedring dat hy by Kaleb haar pa moet vra vir landbougrond. v.19.. Toe sy by pa Kaleb kom, vra hy toe aan haar wat dit is wat sy wil hê. Sy antwoord dat hulle net ‘n deel vd droeë Suidlang gekry het en dat sy ook vrugbare grond en standhoudende water wil hê. Kaleb gee vir Aksa fonteine in die hooggeleë deel en in die laaggeleë deel.
Nou word die stede uitgedeel.
v.20.. Die families in die stam van Juda het die volgende gebied as besitting ontvang. 29 stede met hulle buiteposte, wat ver suid was, is vir hulle gegee.
v.33.. In die Lae veld was daar 14 + 16 + 9 + nog stede en hul buiteposte gegee.
v.48.. In die Bergland was daar 11 + 9 + 10 + 2 stede en hul buiteposte gegee.
v.61.. In die Woestyn was 6 stede en hul buite poste gegee.
v.63.. Die mens van Juda kon dit egter nie regkry om die Jebusiete, die inwoners van Jerusalem, te verdryf nie. Hulle het toe saam met die mense van Juda gebly.
*Deur loting word bepaal waar die grense vir die stam Juda strek. Loting in die verband is ‘n godsdienstige handeling in opdrag van die Here. Vandag se lotery kan jy nie goedkeur nie want dit gaan oor selfverryking. Hier was dit ‘n blote instrument om grond en stede te verdeel.
* Soos Saul, reik Kaleb sy dogter uit as prys vir ‘n dapper man. Otniël is net so dapper soos sy oom en doen die ding. Hy kry Aksa as vrou en word sommer Kaleb se skoonseun.
* Kaleb se dogter Aksa, het net soveel moed soos haar pa en haar man. Kaleb het Josua herinner aan die beloftes van grond, nou stoot Aksa haar man voor om aan pa Kaleb nog grond en water te vra. Kaleb neem dit in ag en gee dit op versoek van sy dogter. Ja, die appel van nie ver van die boom nie.
* Oral word stede en hul buiteposte uitgewys en ingedeel om in te neem. Die Jebusiete van Jerusalem was egter nie in vir oorname nie. Hulle het saamgebly en dus vermeng.
* Jy kan dus hiermee leer dat daar ook ‘n tyd is om te praat. Jy kan op ‘n mooi manier sake op jou hart oordra. Dit is ‘n voorreg om op ‘n mooi manier ‘n standpunt of versoek te stel. Die geheim is mos maar altyd die hoe. Wees egter altyd redelik, billik en opreg.
* Jy kan en mag en behoort die vrymoedigheid te neem om God die Vader, olv die Heilige Gees en in die Naam van Jesus Christus, te nader. Die Here het jou as Sy kind gemaak en hier op aarde gestel. Hy wil hê dat jy met Hom praat, Hom loof en prys, Hom dank, asook om Hom te vra en te smeek. Smeek om vergifnis en vra wat jy nodig het. Vra ook die Vader dat Hy jou grense verbreed, want so kan jy jou deel doen om Sy Koninkryk verder te laat kom.
* Wees dus aan die eenkant dankbaar vir wat jy het, maar aan die anderkant kan jy met vrymoedigheid ook vra. Wie weet wat die Here nog vir jou beplan? Hy wag net dat jy ryp is om jou tot ‘n verdere bestemming te laat beweeg.
Baie sterkte en seën.
Joop van Schaik
2008/10/31
Oordenking: Josua 14
Liewe Suster en Broeder. God sorg en Hy laat jou die reuse oorwin.
Josua 14
v.1.. Hier volg ‘n oorsig oor die gebiede wat die Israeliete in Kanaän ontvang het. Priester Eleasar en Josua het die toekenning gedoen dmv loting soos die Here beveel het.
v.3.. Die Leviete kry nie ‘n eie gebied nie, wel dorpe en weiding by al die stamme.
v.4.. Die nageslag van Josef het 2 stamme gevorm, Mannasse en Efraim.
v.6.. Toe die mense van die stam van Juda na Josua gekom het, het Kaleb seun van Jefunne vir Josua herinner oor wat die Here aan Moses oor hulle 2 gesê het. Kaleb was 40 jr oud toe hy en Josua die land saam met 12 ander verkenners verken het. Tien vd verkenners se hart was verstyf van angs en het negatiewe berig gegee. Kaleb en Josua het ‘n positiewe verklaring gemaak.
v.8.. Kaleb het God getrou gedien en Moses het met ‘n eed belowe dat die gebied waar hy toe as verkenner deurgegaan het, aan hom en sy nageslag as besitting gegee sal word.
v.10.. 45 jaar later, toe Kaleb 85 was, het hy Josua hieraan herinner. Kaleb sê dat hy nog baie krag het, net soos op 40. Gee my nou asb. die bergwêreld, die vestingstede van die Enakiete. Miskien sal die Here by my wees sodat ek dit kan verower soos die Here my belowe het. (Die Enakiete was die reuse).
v.13.. Josua het sy seën uitgespreek oor Kaleb en hom Hebron as besitting toegeken. Daarom behoort Hebron aan Kaleb, want hy het die Here God getrou gevolg.
* U/jy sal vir Josua en Kaleb as verkenners onthou.Ons lees hiervan in Num.13 en 14. Baie negatief, bevrees en beangs, gevul met ongeloof, het hulle gesê dat die land baie mooi is, maar te gevaarlik. Josua en Kaleb het gesê dat die Here dit aan Isael gee, hulle moet voortgaan. In Num.14:24 word die belofte gemaak dat die land wat hy verken het, aan sy nageslag gegee sal word.
* Wat sê dit vir jou? Die Here hou Sy woord. Die Here sorg vir jou, nou, later en elke dag.
* Wat verwag die Here van jou? Getrouheid, gehoorsaamheid, vertoue in die Here.
* Ons is half in ‘n skok toestand met die wêreld ekonomie wat so seergekry het. Jy het ook baie seergekry. Die mensdom met sy geld en mag, is nie bestand teen God se Almag nie. In ‘n oogwink kan alles net niks wees. Net so gryp God in en kan als in ‘n miljoenste van ‘n sekonde wegneem word en ‘n ronde 0 gemaak word. Dis wat gaan gebeur as die wederkoms plaasvind. Dan is alles op aarde ‘n niks, ‘n nul....
* Aan die ander kant, God sorg. Jy kan op die Here se belofte staatmaak en jou ook daarop beroep. Jy kan die Here menslik gesproke daaraan herinner. Hy vergeet nie, maar toets jou of jy nog onthou dat die Here wel sal sorg. Gaan met vrymoedigheid, soos Ps.81 dit berym, na die Here en vra om te ontvang wat Hy belowe het.
* Jy leer dus om werklik te vertrou en te weet dat die Here gesorg het, nou sorg en altyd sal sorg vir jou en jou nageslag.
*Die wonderlikste is dat jy ook herinner word met Joh.3:16 “God het die wêreld so lief gehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê.(NAV). Wat ‘n wonderlike liefde, verlossing en wete dat jou erfenis die ewige lewe is, nou al!
*Wat ook baie mooi is, is om te sien dat Kaleb kans sien vir die Reuse. Die Enakiete was die Reuse, die Gloliats van daardie tyd. Hy het nie gesê, ek is nou al oud en dat die Here dit so ‘n bietjie makliker vir hom moet maak nie. Nee,hy het gesê dat sy kragte nog ok is en dat, as dit die Here se wil is, dat Hy die Enakiete en kie aan hom sal oorgee. Dit het ook so gebeur.
* Vir jou leer dit dat jy nie moet wegskram vir die reuse van die lewe nie. Hoe groot die taak ook al is, hoe moelik die opdrag, die Here sal met jou wees en jy sal DV volgens Sy wil regkry wat jy moet. Pak dus hierdie dag en res van die jaar die reuse aan, pak die reuse taak aan, pak die mense wat soos reuse voor jou staan aan. Niks is te groot in jou pad as dit die Here se pad is nie.Wees jy ook maar net getrou.
Baie mooi dag vir jou, wees getrou en gebruik die krag wat die Here vir jou gee.
Joop van Schaik
Josua 14
v.1.. Hier volg ‘n oorsig oor die gebiede wat die Israeliete in Kanaän ontvang het. Priester Eleasar en Josua het die toekenning gedoen dmv loting soos die Here beveel het.
v.3.. Die Leviete kry nie ‘n eie gebied nie, wel dorpe en weiding by al die stamme.
v.4.. Die nageslag van Josef het 2 stamme gevorm, Mannasse en Efraim.
v.6.. Toe die mense van die stam van Juda na Josua gekom het, het Kaleb seun van Jefunne vir Josua herinner oor wat die Here aan Moses oor hulle 2 gesê het. Kaleb was 40 jr oud toe hy en Josua die land saam met 12 ander verkenners verken het. Tien vd verkenners se hart was verstyf van angs en het negatiewe berig gegee. Kaleb en Josua het ‘n positiewe verklaring gemaak.
v.8.. Kaleb het God getrou gedien en Moses het met ‘n eed belowe dat die gebied waar hy toe as verkenner deurgegaan het, aan hom en sy nageslag as besitting gegee sal word.
v.10.. 45 jaar later, toe Kaleb 85 was, het hy Josua hieraan herinner. Kaleb sê dat hy nog baie krag het, net soos op 40. Gee my nou asb. die bergwêreld, die vestingstede van die Enakiete. Miskien sal die Here by my wees sodat ek dit kan verower soos die Here my belowe het. (Die Enakiete was die reuse).
v.13.. Josua het sy seën uitgespreek oor Kaleb en hom Hebron as besitting toegeken. Daarom behoort Hebron aan Kaleb, want hy het die Here God getrou gevolg.
* U/jy sal vir Josua en Kaleb as verkenners onthou.Ons lees hiervan in Num.13 en 14. Baie negatief, bevrees en beangs, gevul met ongeloof, het hulle gesê dat die land baie mooi is, maar te gevaarlik. Josua en Kaleb het gesê dat die Here dit aan Isael gee, hulle moet voortgaan. In Num.14:24 word die belofte gemaak dat die land wat hy verken het, aan sy nageslag gegee sal word.
* Wat sê dit vir jou? Die Here hou Sy woord. Die Here sorg vir jou, nou, later en elke dag.
* Wat verwag die Here van jou? Getrouheid, gehoorsaamheid, vertoue in die Here.
* Ons is half in ‘n skok toestand met die wêreld ekonomie wat so seergekry het. Jy het ook baie seergekry. Die mensdom met sy geld en mag, is nie bestand teen God se Almag nie. In ‘n oogwink kan alles net niks wees. Net so gryp God in en kan als in ‘n miljoenste van ‘n sekonde wegneem word en ‘n ronde 0 gemaak word. Dis wat gaan gebeur as die wederkoms plaasvind. Dan is alles op aarde ‘n niks, ‘n nul....
* Aan die ander kant, God sorg. Jy kan op die Here se belofte staatmaak en jou ook daarop beroep. Jy kan die Here menslik gesproke daaraan herinner. Hy vergeet nie, maar toets jou of jy nog onthou dat die Here wel sal sorg. Gaan met vrymoedigheid, soos Ps.81 dit berym, na die Here en vra om te ontvang wat Hy belowe het.
* Jy leer dus om werklik te vertrou en te weet dat die Here gesorg het, nou sorg en altyd sal sorg vir jou en jou nageslag.
*Die wonderlikste is dat jy ook herinner word met Joh.3:16 “God het die wêreld so lief gehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê.(NAV). Wat ‘n wonderlike liefde, verlossing en wete dat jou erfenis die ewige lewe is, nou al!
*Wat ook baie mooi is, is om te sien dat Kaleb kans sien vir die Reuse. Die Enakiete was die Reuse, die Gloliats van daardie tyd. Hy het nie gesê, ek is nou al oud en dat die Here dit so ‘n bietjie makliker vir hom moet maak nie. Nee,hy het gesê dat sy kragte nog ok is en dat, as dit die Here se wil is, dat Hy die Enakiete en kie aan hom sal oorgee. Dit het ook so gebeur.
* Vir jou leer dit dat jy nie moet wegskram vir die reuse van die lewe nie. Hoe groot die taak ook al is, hoe moelik die opdrag, die Here sal met jou wees en jy sal DV volgens Sy wil regkry wat jy moet. Pak dus hierdie dag en res van die jaar die reuse aan, pak die reuse taak aan, pak die mense wat soos reuse voor jou staan aan. Niks is te groot in jou pad as dit die Here se pad is nie.Wees jy ook maar net getrou.
Baie mooi dag vir jou, wees getrou en gebruik die krag wat die Here vir jou gee.
Joop van Schaik
2008/10/29
Oordenking: Josua 13
Dagsê susters en broeders. Ons gaan nou ‘n rukkie stilstaan by die beginsel van ‘n regverdige toedeling van grondgebied. Die Here besluit wie wat kry.
Josua 13
By Josua 12 het ons gesien dat die stamme Ruben, Gad en ‘n helfte van die Manassestam hulle plek in die son gekry het. Josua 13 bou hierop voort met fyner besonderhede.
v.1..Josua het baie oud geword en daar is nog ‘n baie groot deel vd land wat in besit geneem moes word. Onder die dele wat oorbly, is daar al die Filistynse gebiede en die hele Gesurgebied, asook nog ander plekke. Daar is die hele Kanaänitiese gebied van Teman.....
v.6.. Die Here sê dat Hy al die bewoners vd bergwêreld sal verdryf om vir die Israeliete plek te maak, so ook met die ander plekke...... Intussen moet Josua al hierdie gebiede as besitting aan Israel toewys, soos die Here beveel het.
v.8.. Die gebied oos vd Jordaan is reeds aan Ruben, Gad en ‘n helfte vd Manasse stam gegee. v.14.. Net aan die Levistam is nie ‘n eie gebied as besitting toegeken nie. Die Leviete is offers aan die Here die God van Israel en hulle ontvang van wat Hom toekom, soos Hy hulle beloof het. Ons sal nog sien hoe die Leviete by elke stam se gebied ‘n deel ontvang.
v.15.. Weer word die gebied vir die stam Ruben uitgespel. Dit het aan die Jordaan gegrens. Daar was verskeie stede en buiteposte.
v.24.. Weer word die gebied vir die stam Gad uitgespel. Dit was die streek oos vd Jordaan. Daar was verskeie stede en buiteposte.
v.29.. Weer word die gebied vir die een helfte vd Mansse stam uitgespel. Wat ons hier moet raaksien, is dat die een deel van Manasse se nageslag hierdie gebied ontvang het. Dit was die nakomelinge van Makir die een seun van Manasse. Sy ander seun se nageslag kry op ‘n ander plek hulle deel.
v.32.. Ook hier word gesê: “Aan die stam Levi het Moses nie ’n eie besitting toegeken nie. Hulle ontvang van wat die Here die God van Israel self toekom, soos Hy hulle beloof het.”
* Wat opval, is dat die Here klaar Sy besluite geneem het. Dit moet nou nog net uitgevoer word. Hy kon dit sommer net laat gebeur het, maar nee, Hy het besluit dat die mens deel is van Sy Skepping en die mens moet hier hoor, luister en doen. Wat ‘n voorreg dat God Almagtig elke liewe mens in Sy Raadsplan gebruik!
*Gelukkig is ons plek in die mooiste beloofde land klaar vir ons voorberei, ‘n plek in die woning van God! Jesus het dit klaar voorberei. Jy en ek moet egter ons regmatige plek hier op aarde inneem, dit wat die Vader vir jou bestem het, dit moet jy najaag en uitvoer.
* Jy leer dus dat jy nie met jou optrede iets kan verdien nie, jy ontvang dit as ‘n geskenk. En omdat jy dit uit genade ontvang, wil jy mos nou baie graag gehoorsaam wees aan die Here. Dis nou dankbaarheid!
*Geliefde, jy het jou spesifieke plek, jy en jou mense rondom jou. Jou gemeente het ‘n spesifieke plek in jou omgewing. Neem daardie plek in en wys wie is God.
* Ons word ook weer ‘n keer met die Leviete stam daarop gewys dat die Here Sy deel, Sy dankoffer ontvang en dit gebruik om die godsdiens mee in instand te hou. In elke stamgebied was daar Leviete, aanbiddingsplekke, altare en ... Die Leviete is orals versorg en het die volk gelei in hulle diens aan die Here. Wat ‘n voorreg, vir die Leviet en die burger van God se volk. Wat ‘n voorreg vir jou en my om deel van die kerk in ons gebied te wees. Wat ‘n voorreg om te offer en te dien.
* Wees verseker van God se liefde vir jou, Hy gee jou ‘n plek in die hemel en Hy gee jou regmatige plek alreeds hier op die aarde. Ontvang dit, benut dit en dien God so.
Groete
Joop van Schaik
Josua 13
By Josua 12 het ons gesien dat die stamme Ruben, Gad en ‘n helfte van die Manassestam hulle plek in die son gekry het. Josua 13 bou hierop voort met fyner besonderhede.
v.1..Josua het baie oud geword en daar is nog ‘n baie groot deel vd land wat in besit geneem moes word. Onder die dele wat oorbly, is daar al die Filistynse gebiede en die hele Gesurgebied, asook nog ander plekke. Daar is die hele Kanaänitiese gebied van Teman.....
v.6.. Die Here sê dat Hy al die bewoners vd bergwêreld sal verdryf om vir die Israeliete plek te maak, so ook met die ander plekke...... Intussen moet Josua al hierdie gebiede as besitting aan Israel toewys, soos die Here beveel het.
v.8.. Die gebied oos vd Jordaan is reeds aan Ruben, Gad en ‘n helfte vd Manasse stam gegee. v.14.. Net aan die Levistam is nie ‘n eie gebied as besitting toegeken nie. Die Leviete is offers aan die Here die God van Israel en hulle ontvang van wat Hom toekom, soos Hy hulle beloof het. Ons sal nog sien hoe die Leviete by elke stam se gebied ‘n deel ontvang.
v.15.. Weer word die gebied vir die stam Ruben uitgespel. Dit het aan die Jordaan gegrens. Daar was verskeie stede en buiteposte.
v.24.. Weer word die gebied vir die stam Gad uitgespel. Dit was die streek oos vd Jordaan. Daar was verskeie stede en buiteposte.
v.29.. Weer word die gebied vir die een helfte vd Mansse stam uitgespel. Wat ons hier moet raaksien, is dat die een deel van Manasse se nageslag hierdie gebied ontvang het. Dit was die nakomelinge van Makir die een seun van Manasse. Sy ander seun se nageslag kry op ‘n ander plek hulle deel.
v.32.. Ook hier word gesê: “Aan die stam Levi het Moses nie ’n eie besitting toegeken nie. Hulle ontvang van wat die Here die God van Israel self toekom, soos Hy hulle beloof het.”
* Wat opval, is dat die Here klaar Sy besluite geneem het. Dit moet nou nog net uitgevoer word. Hy kon dit sommer net laat gebeur het, maar nee, Hy het besluit dat die mens deel is van Sy Skepping en die mens moet hier hoor, luister en doen. Wat ‘n voorreg dat God Almagtig elke liewe mens in Sy Raadsplan gebruik!
*Gelukkig is ons plek in die mooiste beloofde land klaar vir ons voorberei, ‘n plek in die woning van God! Jesus het dit klaar voorberei. Jy en ek moet egter ons regmatige plek hier op aarde inneem, dit wat die Vader vir jou bestem het, dit moet jy najaag en uitvoer.
* Jy leer dus dat jy nie met jou optrede iets kan verdien nie, jy ontvang dit as ‘n geskenk. En omdat jy dit uit genade ontvang, wil jy mos nou baie graag gehoorsaam wees aan die Here. Dis nou dankbaarheid!
*Geliefde, jy het jou spesifieke plek, jy en jou mense rondom jou. Jou gemeente het ‘n spesifieke plek in jou omgewing. Neem daardie plek in en wys wie is God.
* Ons word ook weer ‘n keer met die Leviete stam daarop gewys dat die Here Sy deel, Sy dankoffer ontvang en dit gebruik om die godsdiens mee in instand te hou. In elke stamgebied was daar Leviete, aanbiddingsplekke, altare en ... Die Leviete is orals versorg en het die volk gelei in hulle diens aan die Here. Wat ‘n voorreg, vir die Leviet en die burger van God se volk. Wat ‘n voorreg vir jou en my om deel van die kerk in ons gebied te wees. Wat ‘n voorreg om te offer en te dien.
* Wees verseker van God se liefde vir jou, Hy gee jou ‘n plek in die hemel en Hy gee jou regmatige plek alreeds hier op die aarde. Ontvang dit, benut dit en dien God so.
Groete
Joop van Schaik
Subscribe to:
Posts (Atom)
