Liewe Broeders en Susters in Christus,
Ons het voor die vakansie laas gekommunikeer. Dis heerlik om weer die kuberruimte te betree en die evangelie so te versprei en om bande verder te versterk.
Van u het my bekommerd gevra waar is die preke wat ek met e-pos aanstuur want julle gebruik dit en stuur dit aan aan ander gelowiges. Ek het so ‘n brief van vriende en medegelowiges gekry uit Swaziland. Baie van u gee dit ook aan mense wat nie meer in die kerk kan kom nie. Baie van u hou daarvan om na die sondag dit weer te lees sodat daar darem meer as 5% onthou kan word.
Hier is ook 'n skakel na die preke op ons webwerf: Gaan na ons webwerf en kyk by die Aflaai-Area.
Baie groete en sterkte en mag jy seën ontvang en ‘n seën wees.
Joop van Schaik
2009/04/17
2009/03/06
Erediens
’n Erediens is ’n samekoms van gelowiges en die middelpunt is God Drie-Ening wat aan die woord kom met Sy Woord/Bybel deur die kragtige werking van die Heilige Gees. Kom ons bid dat elke Christen meer en meer die behoefte het om getrou na sy kerk te gaan.
Jy is deel van die liggaam van Christus en jy het ’n doel en taak in die gemeente. Maar alles begin in jou binnekamer waar jy gereeld op jou Vader se skoot moet sit. Dan gaan dit verder deurdat jy saam met medegelowiges aansit om van God se Woord te eet.
Bid asb. vir mekaar en bid ook asb vir my. Ek is maar net ’n krom stok wat in die Here se hand ’n reguit hou moet slaan.
Baie groete en seën.
Joop van Schaik
Jy is deel van die liggaam van Christus en jy het ’n doel en taak in die gemeente. Maar alles begin in jou binnekamer waar jy gereeld op jou Vader se skoot moet sit. Dan gaan dit verder deurdat jy saam met medegelowiges aansit om van God se Woord te eet.
Bid asb. vir mekaar en bid ook asb vir my. Ek is maar net ’n krom stok wat in die Here se hand ’n reguit hou moet slaan.
Baie groete en seën.
Joop van Schaik
2009/01/30
Byt vas by die werk en in die lewe
Ek lees nou net van Elia wat geroep is om Agab te konfronteer, dis in 1 Kon. 18. Onder die goddelose koning Agab en sy baie erger vrou Isebel, het Obadja gewerk. Obadja het die Here baie getrou gedien en ook sy werk as paleisopsigter (bestuurder) gedoen. Elia gee vir Obadja opdrag om vir Agab te sê dat Elia binnekort met Agab sal kom praat. Obadja vrees vir sy eie lewe. Tog bly die opdrag: gaan sê vir Elia ek kom sien hom vandag.
So staan jy ook in jou werk as getroue Christen en kind van die Here, dikwels ook onder druk en vrees. Tog moet jy jou werk getrou bly doen, maar jy moet onbevrees as Christen dit doen.
Die Here is in beheer en Hy sal jou help om vas te staan en Hy beskerm jou. Dien die Here met geloof en krag.
Joop van Schaik
So staan jy ook in jou werk as getroue Christen en kind van die Here, dikwels ook onder druk en vrees. Tog moet jy jou werk getrou bly doen, maar jy moet onbevrees as Christen dit doen.
Die Here is in beheer en Hy sal jou help om vas te staan en Hy beskerm jou. Dien die Here met geloof en krag.
Joop van Schaik
2008/12/09
Oordenking: Josua 24
Josua gee sy afskeidsboodskap: My familie sal die Here dien. Die vraag is net: wie gaan julle dien, vir die afgode of vir God?
Josua 24
v.1.. Josua het weer al die stamme van Israel in Sigem bymekaargeroep. Hy het die leiers, die hoofde, die regters en die ampsdraers geroep en hulle het hulle plekke ingeneem in die teenwoordigheid van God. Josua het die volk namens die Here toegespreek:
v.2.. Lank gelede het julle voorvaders, dis nou o.a. Tera die pa van Abraham en Nahor, anderkant die Eufraat gewoon en hulle het ander gode gedien. Tog het die Here Abraham en almal anderkant die Eufraat geneem en die hele Kanaän laat deurgaan. Die Here het ‘n groot nageslag gegee, dis nou deur Isak en Jakob. Jakob is op ‘n stadium na Egipte toe weggevoer.
v.5.. Die Here het vir Moses en Aäron gestuur om Egipte met baie rampe te tref. Daarna het die Here die volk uit Egipte gelei deur die Rietsee. Die Egiptenaars is getref met die dood. Daarna het Israel lank in die woestyn rondgetrek.
v.8.. Daarna het die Here Israel na die land vd Ammoriete gebring oos vd Jordaan. Die Here het hulle in Israel se mag oorgegee.
v.11.. Israel het deur die Jordaan getrek en by Jerigo uitgekom. Al die mense van Jerigo is in die mag van Israel oorgegee. Die Here het aan Israel ‘n land gegee wat hulle nie bewerk het nie en stede wat hulle nie gebou het nie.
v.14.. Betoon nou eerbied aan die Here en dien Hom met opregtheid en met trou. Sien af vd gode wat julle dien. As julle dit nie wil doen nie, kies dan vandag wie julle wil dien, die gode van die voorvaders of die gode van die Amoriete. WAT MY EN MY FAMILIE BETREF, ONS SAL DIE HERE DIEN.
v.16.. Die volk het geantwoord: Ons dink glad nie daaraan om die Here te verlaat en ander gode te dien nie. Die Here het ons gered. Ook ons sal die Here dien. Hy is ons God.
v.19.. Maar Josua het gesê: Julle kan nie die Here dien nie. Hy eis onverdeelde trou. As julle die Here verlaat, sal Hy teen julle draai en ‘n einde aan julle maak. Die volk sê weer:, nee, ons sal die Here dien!
v.23.. Josua: verwyder dan die gode onder julle uit. Die volk: Ons sal die Here ons God dien, ons sal na Hom luister. Daardie dag het Josua ‘n verbond gesluit en daar in Sigem vir hulle voorskrifte en bepalings vasgelê. Hy het die dinge in die wetboek van God opgeskryf, ‘n groot klip gevat en dit by die heiligdom vd Here regop gesit. Die klip sal ‘n getuie teen die volk wees as hulle wel oortree en God bedrieg. Hierna is die volk weer elkeen na sy eie plek.
v.29.. Hierna het Josua die dienaar vd Here gesterf op 110 jarige ouderdom. Hy begrawe in die gebied wat aan hom as besitting gegee is.
v.31.. Israel het die Here bly dien tydens die lewe van Josua en tydens die lewe vd leiers wat vir Josua oorleef het en alles ervaar het wat die Here vir Israel gedoen het. Josef se liggaam is ook herbegrawe in Sigem. Ook Eleasar die seun van Aäron is oorlede en begrawe.
*Wat tref, is dat die volk en sy voorgangers in die teenwoordigheid van die Here vergader. Die Here is self teenwoordig en Hy is getuie. Almal word tot rekenskap opgeroep.
* So moet jy en ek ook rekenskap gee aan God Almagtig. Dit sou wonderlik gewees het as alle Christen gelowiges hier op aarde, op een slag bymekaar kon kom. Dis nou van alle Christelike Kerke en almal wat die Enige Ware God, Vader, Seun en Heilige Gees, aanbid. Ongelukkig is dit nie hier op aarde moontlik nie, nie voor die wederkoms van Jesus Christus nie. Tog is God Alomteenwoordig en Hy woon deur Sy Heilige Gees in ons harte. Wanneer ons as gelowiges in eredienste bymekaarkom, dan ervaar ons in die kleine hoe dit sal wees as alle gelowiges bymekaar sal wees.
*Goed, die punt is, ons word in 2008 –-> 2009 ook opgeroep om rekenskap te gee van waar ons met God staan. Hoe het jy en ek die Here gedien? Het ons God nie dalk ook met afgode gedeel of vervang nie? ‘n Afgod is mos iets wat ons in die plek van God of naas/langs God stel. Ons moet oppas om vinger te wys na ander mense wat sg. so goddeloos is. Ek en jy kan met eiewilligheid net so godeloos leef en optree. Die eie ek is teenoor God gewoonlik die grootste afgod. Die wêreldse dinge, die menslike dinge is dikwels ook ‘n groot bedreiging.
* Geliefde, wie dien jy en wie gaan jy dien? Soos Josua wil ek graag verklaar: Ek, ek en my familie, ons sal die Here dien. Ek glo ook dat jy/u dieselfde wil verklaar: Ons, ons sal die Here en net Hom alleen dien!
* Jou en my verantwoordelikheid is dan om ons lewe te suiwer van die afgode van die tyd en om ons geheel en al aan God toe te wy.
* Mag die Here ons die krag gee om met volle oorgawe, met alles wat ons is en het, 2008 deur te gaan na 2009! Mag jy in jou gemeente en kerk, in jou huis,skool en werk, mag jy in jou dorp en land, God Drie-Enig dien en eer. Mag jou lewe die gedenkteken wees van God se grootheid en genade, deur voorspoed en rampspoed.
Groete in Jesus Christus
Joop van Schaik
Josua 24
v.1.. Josua het weer al die stamme van Israel in Sigem bymekaargeroep. Hy het die leiers, die hoofde, die regters en die ampsdraers geroep en hulle het hulle plekke ingeneem in die teenwoordigheid van God. Josua het die volk namens die Here toegespreek:
v.2.. Lank gelede het julle voorvaders, dis nou o.a. Tera die pa van Abraham en Nahor, anderkant die Eufraat gewoon en hulle het ander gode gedien. Tog het die Here Abraham en almal anderkant die Eufraat geneem en die hele Kanaän laat deurgaan. Die Here het ‘n groot nageslag gegee, dis nou deur Isak en Jakob. Jakob is op ‘n stadium na Egipte toe weggevoer.
v.5.. Die Here het vir Moses en Aäron gestuur om Egipte met baie rampe te tref. Daarna het die Here die volk uit Egipte gelei deur die Rietsee. Die Egiptenaars is getref met die dood. Daarna het Israel lank in die woestyn rondgetrek.
v.8.. Daarna het die Here Israel na die land vd Ammoriete gebring oos vd Jordaan. Die Here het hulle in Israel se mag oorgegee.
v.11.. Israel het deur die Jordaan getrek en by Jerigo uitgekom. Al die mense van Jerigo is in die mag van Israel oorgegee. Die Here het aan Israel ‘n land gegee wat hulle nie bewerk het nie en stede wat hulle nie gebou het nie.
v.14.. Betoon nou eerbied aan die Here en dien Hom met opregtheid en met trou. Sien af vd gode wat julle dien. As julle dit nie wil doen nie, kies dan vandag wie julle wil dien, die gode van die voorvaders of die gode van die Amoriete. WAT MY EN MY FAMILIE BETREF, ONS SAL DIE HERE DIEN.
v.16.. Die volk het geantwoord: Ons dink glad nie daaraan om die Here te verlaat en ander gode te dien nie. Die Here het ons gered. Ook ons sal die Here dien. Hy is ons God.
v.19.. Maar Josua het gesê: Julle kan nie die Here dien nie. Hy eis onverdeelde trou. As julle die Here verlaat, sal Hy teen julle draai en ‘n einde aan julle maak. Die volk sê weer:, nee, ons sal die Here dien!
v.23.. Josua: verwyder dan die gode onder julle uit. Die volk: Ons sal die Here ons God dien, ons sal na Hom luister. Daardie dag het Josua ‘n verbond gesluit en daar in Sigem vir hulle voorskrifte en bepalings vasgelê. Hy het die dinge in die wetboek van God opgeskryf, ‘n groot klip gevat en dit by die heiligdom vd Here regop gesit. Die klip sal ‘n getuie teen die volk wees as hulle wel oortree en God bedrieg. Hierna is die volk weer elkeen na sy eie plek.
v.29.. Hierna het Josua die dienaar vd Here gesterf op 110 jarige ouderdom. Hy begrawe in die gebied wat aan hom as besitting gegee is.
v.31.. Israel het die Here bly dien tydens die lewe van Josua en tydens die lewe vd leiers wat vir Josua oorleef het en alles ervaar het wat die Here vir Israel gedoen het. Josef se liggaam is ook herbegrawe in Sigem. Ook Eleasar die seun van Aäron is oorlede en begrawe.
*Wat tref, is dat die volk en sy voorgangers in die teenwoordigheid van die Here vergader. Die Here is self teenwoordig en Hy is getuie. Almal word tot rekenskap opgeroep.
* So moet jy en ek ook rekenskap gee aan God Almagtig. Dit sou wonderlik gewees het as alle Christen gelowiges hier op aarde, op een slag bymekaar kon kom. Dis nou van alle Christelike Kerke en almal wat die Enige Ware God, Vader, Seun en Heilige Gees, aanbid. Ongelukkig is dit nie hier op aarde moontlik nie, nie voor die wederkoms van Jesus Christus nie. Tog is God Alomteenwoordig en Hy woon deur Sy Heilige Gees in ons harte. Wanneer ons as gelowiges in eredienste bymekaarkom, dan ervaar ons in die kleine hoe dit sal wees as alle gelowiges bymekaar sal wees.
*Goed, die punt is, ons word in 2008 –-> 2009 ook opgeroep om rekenskap te gee van waar ons met God staan. Hoe het jy en ek die Here gedien? Het ons God nie dalk ook met afgode gedeel of vervang nie? ‘n Afgod is mos iets wat ons in die plek van God of naas/langs God stel. Ons moet oppas om vinger te wys na ander mense wat sg. so goddeloos is. Ek en jy kan met eiewilligheid net so godeloos leef en optree. Die eie ek is teenoor God gewoonlik die grootste afgod. Die wêreldse dinge, die menslike dinge is dikwels ook ‘n groot bedreiging.
* Geliefde, wie dien jy en wie gaan jy dien? Soos Josua wil ek graag verklaar: Ek, ek en my familie, ons sal die Here dien. Ek glo ook dat jy/u dieselfde wil verklaar: Ons, ons sal die Here en net Hom alleen dien!
* Jou en my verantwoordelikheid is dan om ons lewe te suiwer van die afgode van die tyd en om ons geheel en al aan God toe te wy.
* Mag die Here ons die krag gee om met volle oorgawe, met alles wat ons is en het, 2008 deur te gaan na 2009! Mag jy in jou gemeente en kerk, in jou huis,skool en werk, mag jy in jou dorp en land, God Drie-Enig dien en eer. Mag jou lewe die gedenkteken wees van God se grootheid en genade, deur voorspoed en rampspoed.
Groete in Jesus Christus
Joop van Schaik
2008/12/08
Oordenking: Josua 23
Liewe Broeder en Suster, my verlof het aangebreek, maar ek wil graag die boek Josua saam met u klaar deurwerk. Vandag werk Josua 23 met ons en op ‘n ander dag die laaste hoofstuk, Josua 24.
Josua 23
v.1.. Die Here het rus van alle kante aan Israel gegee, Josua was al baie oud. Josua het die hele Israel opgeroep, die leiers, die hoofde, die regters en die ampsdraers.
v.3.. Josua het aan hulle gesê: Julle het gesien wat die Here julle God alles aan die ander nasies gedoen het twv julle. Dit is Hy, die Here julle God wat die oorlog vir julle voer. Baie plekke is verower en het die eiendom van die stamme geword.
v.5.. Wat die Here belowe het, het Hy gedoen.
v.6.. Julle moet sterk staan in die uitvoering van alles wat geskryf staan in die wetboek van Moses, moenie daarvan links of regs afwyk nie. So sal julle nie die nasies wat nog tussen julle woon, se gode aanroep en in hulle naam ‘n eed aflê nie. Julle moet aan die Here julle God getrou bly.
v.10.. 1 van julle jaag ‘n 1000 op loop, want dit is die Here julle God wat die oorlog vir julle voer. Lê julle daarop toe om die Here julle God lief te hê.
v.12.. As julle egter ‘n ander pad loop en julle verbind aan die ander nasies wat tussen julle bly, met hulle vermeng en trou, dan sal die Here nie die nasies verdryf nie. Hulle sal vir julle strikke en wippe stel. Hulle sal julle ondergang wees.
v.14.. Josua sê dat hy self op die pad gaan van elke mens hier op aarde, hy gaan sterf. Julle weet met julle hele hart en siel, dat nie een van al die goeie beloftes wat die Here julle God oor julle gemaak het, onvervuld gebly het nie. Almal het gerealiseer.
v.15.. Aan die ander kant, net so sal die Here ook Sy woord hou, as hulle Sy verbondsverpligtings nie nakom nie deur voor ander gode te buig en hulle te dien, dan sy toorn/woede teen hulle ontvlam en sal hulle gou uit die goeie land verdryf word.
* Josua kyk terug na ‘n ryk en vol lewe. Hy het baie dinge beleef en veral God se genade ontvang. Hy was inderdaad ‘n dienskneg vd Here. Wat die mooiste was vir Josua, is dat die Here Sy Woord hou.
*Josua het al die leiers en die hele Israel bymekaar geroep en hulle gewys op Nb dinge. Die een is dat God die oorlog gevoer het en Israel het baie plekke ontvang. Die tweede is dat God Sy beloftes nakom. Die derde is: net soos die Here seën gee op gehoorsaamheid en dankbaarheid, net so sal hy ongehoorsaamheid en aanbidding van afgode, baie erg straf.
* Geliefdes, ons kan ook terug kyk na ‘n ryk en vol jaar. Jy sal ook kan getuig dat God Sy Woord en beloftes nakom. Dit gee soveel rede vir jou om vol te hou om op God se pad te bly. Leer God elke dag meer en meer ken en hou by Sy verbondsbepalings. Moenie afdraai paadjies vat nie, moenie dink jy kan God deel of vervang met iets of iemand anders wat na jou mening ook goddelik is nie. Dit kan nie en mag nie. So gou soos nou sal God die mat onder jou uitruk en jy sal wegkwyn van godverlatenheid. Mag God ons daarvan bewaar.
* Die mooiste belofte wat die Here gemaak het, is dat Hy Sy Seun sou gestuur het en Hom wel gestuur. Ons is nou in die “Kersgety”. Kom ons wees versigtig om nie die punt te mis nie. Kom ons loof die Here, Prys Sy Naam en dien Hom met ons hele hart, siel, verstand en met al ons krag.
* Mag die Here jou hartseer sagter maak, mag die Here jou spanning verlig, mag die Here jou bekommernisse oplos, mag die Here jou optel uit die nood, mag jy vreugde en vrede ontvang, mag die liefde in jou lewe blom, mag die Here jou seën en naby wees.
Baie groete
Joop van Schaik.
Josua 23
v.1.. Die Here het rus van alle kante aan Israel gegee, Josua was al baie oud. Josua het die hele Israel opgeroep, die leiers, die hoofde, die regters en die ampsdraers.
v.3.. Josua het aan hulle gesê: Julle het gesien wat die Here julle God alles aan die ander nasies gedoen het twv julle. Dit is Hy, die Here julle God wat die oorlog vir julle voer. Baie plekke is verower en het die eiendom van die stamme geword.
v.5.. Wat die Here belowe het, het Hy gedoen.
v.6.. Julle moet sterk staan in die uitvoering van alles wat geskryf staan in die wetboek van Moses, moenie daarvan links of regs afwyk nie. So sal julle nie die nasies wat nog tussen julle woon, se gode aanroep en in hulle naam ‘n eed aflê nie. Julle moet aan die Here julle God getrou bly.
v.10.. 1 van julle jaag ‘n 1000 op loop, want dit is die Here julle God wat die oorlog vir julle voer. Lê julle daarop toe om die Here julle God lief te hê.
v.12.. As julle egter ‘n ander pad loop en julle verbind aan die ander nasies wat tussen julle bly, met hulle vermeng en trou, dan sal die Here nie die nasies verdryf nie. Hulle sal vir julle strikke en wippe stel. Hulle sal julle ondergang wees.
v.14.. Josua sê dat hy self op die pad gaan van elke mens hier op aarde, hy gaan sterf. Julle weet met julle hele hart en siel, dat nie een van al die goeie beloftes wat die Here julle God oor julle gemaak het, onvervuld gebly het nie. Almal het gerealiseer.
v.15.. Aan die ander kant, net so sal die Here ook Sy woord hou, as hulle Sy verbondsverpligtings nie nakom nie deur voor ander gode te buig en hulle te dien, dan sy toorn/woede teen hulle ontvlam en sal hulle gou uit die goeie land verdryf word.
* Josua kyk terug na ‘n ryk en vol lewe. Hy het baie dinge beleef en veral God se genade ontvang. Hy was inderdaad ‘n dienskneg vd Here. Wat die mooiste was vir Josua, is dat die Here Sy Woord hou.
*Josua het al die leiers en die hele Israel bymekaar geroep en hulle gewys op Nb dinge. Die een is dat God die oorlog gevoer het en Israel het baie plekke ontvang. Die tweede is dat God Sy beloftes nakom. Die derde is: net soos die Here seën gee op gehoorsaamheid en dankbaarheid, net so sal hy ongehoorsaamheid en aanbidding van afgode, baie erg straf.
* Geliefdes, ons kan ook terug kyk na ‘n ryk en vol jaar. Jy sal ook kan getuig dat God Sy Woord en beloftes nakom. Dit gee soveel rede vir jou om vol te hou om op God se pad te bly. Leer God elke dag meer en meer ken en hou by Sy verbondsbepalings. Moenie afdraai paadjies vat nie, moenie dink jy kan God deel of vervang met iets of iemand anders wat na jou mening ook goddelik is nie. Dit kan nie en mag nie. So gou soos nou sal God die mat onder jou uitruk en jy sal wegkwyn van godverlatenheid. Mag God ons daarvan bewaar.
* Die mooiste belofte wat die Here gemaak het, is dat Hy Sy Seun sou gestuur het en Hom wel gestuur. Ons is nou in die “Kersgety”. Kom ons wees versigtig om nie die punt te mis nie. Kom ons loof die Here, Prys Sy Naam en dien Hom met ons hele hart, siel, verstand en met al ons krag.
* Mag die Here jou hartseer sagter maak, mag die Here jou spanning verlig, mag die Here jou bekommernisse oplos, mag die Here jou optel uit die nood, mag jy vreugde en vrede ontvang, mag die liefde in jou lewe blom, mag die Here jou seën en naby wees.
Baie groete
Joop van Schaik.
2008/11/26
Oordenking: Josua 22:9-34
Geliefde, konflik en misverstand is nou eenmaal deel van ons lewe. Hoe moet ons dit hanteer? Kom ons kyk hoe dit in Josua 22 hanteer word.
Josua 22:9-34
v.9.. Die stamme Ruben, Gad en die halwe Manassestam is vd res van Israel in Kanaän weg na hulle eie gebied oorkant die Jordaan, Gilead. Toe hulle daar by Gelilot aan die Jordaan se kant in Kanaän kom, bou hulle ‘n baie groot indrukwekkende altaar.
v.11 Toe die res van Israel het dit gehoor, was hulle baie ontsteld. Hulle het ‘n volksvergadering gehou en gereed gemaak vir oorlog teen die 2 en ‘n half stamme. Hulle het vir Pinehas, seun van priester Eleasar na 2enhalf gestuur. Saam met Pinehas was daar 10 volksleiers, 1 van elke stam (9enhalf).
v.16.. Die boodskap was: Hoe kon julle so ‘n daad van ontrou begaan teen die God van Israel? Dis verset en sonde teen God. Môre breek Sy toorn los teen die hele Israel. Kom eerder terug na ons, as om nog ‘n ander altaar te bou bo en behalwe die altaar vd Here ons God. Hulle dink ook terug aan wat Akan seun van Serag gedoen het in die verlede. Toe het die toorn vd Here losgebreek teen Israel. Dit kan nou weer gebeur!
v.21.. Die mense vd 2enhalwe stam sê toe: Nee! Net die Here is God, Hy alleen. Ons het nie die altaar gebou om in verset te kom nie. Hulle verskoning was dat hulle bekommerd was dat die ander 9enhalwe stamme hulle sal wegwys en verhinder om die Here te dien, dat daar gesê sal word: julle het nie deel in die Here nie.
v.28.. Ons het die altaar nie gebou om daarop te offer nie, maar dat dit vir die nageslag sal dien as ‘n model van ‘n altaar, en dat die altaar as getuie sal dien tussen ons en julle. Ons dink glad nie om in verset teen die Here te kom nie.
v.30.. Pinehas en die leiers het die rede aanvaar en het ook gesê: ons weet nou die Here is by julle en julle was nie ontrou aan Hom nie. Pinehas en die leiers is terug na Israel en het gaan verslag doen. Die Israeliete was tevrede en het God geprys.
v.34.. Die mense van 2enhalf, het die altaar ‘n naam gegee: “Hy is die getuie tussen ons dat die Here God is.”
* Ons sien dat hier nou eintlik twee groepe gevorm word binne die 12 stamme van Israel. Die twee groepe voel bedreig deur mekaar. Daar is ook wantroue onderling. Dit blyk egter dat beide die groepe wel die Here wil aanbid.
* Wat mooi is, is om te sien dat daar nie net sonder enige kommunikasie oorlog gemaak is nie. Die ongelukkige groep het ‘n priester segsman en 10 ander leiers gestuur na die ouens teen wie hulle dit het. ‘n Ontmoeting het plaasgevind en die ding is uitgepraat. Die konflik is uit uitgeklaar en as misverstand verklaar. Albei dien die Here.
* Jy moet ook ‘n les hieruit leer. Moenie net aanvaar dat dit wat jy dink iemand anders doen of sê, werklik so is nie. Gaan maak seker wat aangaan. Praat tog net met mekaar. Jy sal dalk eerder stilbly en dan broei die ding hier in jou hart. Wat later uitbroei, gaan nie mooi wees nie. Doen moeite en beskou dit as baie belangrik om die probleem, konflik of misverstand uit te klaar.
* Binne ‘n groot groep moet dit ook geld. Dit kan wees in ‘n familiekring, vriendekring, werkkring, kerk en orals...
* Wanneer jy weet dat jy met ‘n medegelowige te doen het, moet jy juis moeite doen. Probeer ook eers met die ongelowige te praat, al weet jy dat julle nie eintlik dieselfde fondament het nie. Dalk raak jy die ongelowige aan vir die Here. Dink veral ook aan Matt.18:15-17.
* Die naam vd altaar is so mooi: “Hy is die getuie tussen ons dat die Here God is”. Laat jou verhouding met jou geliefdes en ander mense so ‘n altaar wees. Laat jou manier van doen ‘n getuienis wees van wie en wat God Drie-Enig is. So is jy ‘n evangelis van formaat.
Baie sterkte vir die laaste deel van Novembermaand.
Groete. Seën word u/jou toegebid.
Joop van Schaik
Josua 22:9-34
v.9.. Die stamme Ruben, Gad en die halwe Manassestam is vd res van Israel in Kanaän weg na hulle eie gebied oorkant die Jordaan, Gilead. Toe hulle daar by Gelilot aan die Jordaan se kant in Kanaän kom, bou hulle ‘n baie groot indrukwekkende altaar.
v.11 Toe die res van Israel het dit gehoor, was hulle baie ontsteld. Hulle het ‘n volksvergadering gehou en gereed gemaak vir oorlog teen die 2 en ‘n half stamme. Hulle het vir Pinehas, seun van priester Eleasar na 2enhalf gestuur. Saam met Pinehas was daar 10 volksleiers, 1 van elke stam (9enhalf).
v.16.. Die boodskap was: Hoe kon julle so ‘n daad van ontrou begaan teen die God van Israel? Dis verset en sonde teen God. Môre breek Sy toorn los teen die hele Israel. Kom eerder terug na ons, as om nog ‘n ander altaar te bou bo en behalwe die altaar vd Here ons God. Hulle dink ook terug aan wat Akan seun van Serag gedoen het in die verlede. Toe het die toorn vd Here losgebreek teen Israel. Dit kan nou weer gebeur!
v.21.. Die mense vd 2enhalwe stam sê toe: Nee! Net die Here is God, Hy alleen. Ons het nie die altaar gebou om in verset te kom nie. Hulle verskoning was dat hulle bekommerd was dat die ander 9enhalwe stamme hulle sal wegwys en verhinder om die Here te dien, dat daar gesê sal word: julle het nie deel in die Here nie.
v.28.. Ons het die altaar nie gebou om daarop te offer nie, maar dat dit vir die nageslag sal dien as ‘n model van ‘n altaar, en dat die altaar as getuie sal dien tussen ons en julle. Ons dink glad nie om in verset teen die Here te kom nie.
v.30.. Pinehas en die leiers het die rede aanvaar en het ook gesê: ons weet nou die Here is by julle en julle was nie ontrou aan Hom nie. Pinehas en die leiers is terug na Israel en het gaan verslag doen. Die Israeliete was tevrede en het God geprys.
v.34.. Die mense van 2enhalf, het die altaar ‘n naam gegee: “Hy is die getuie tussen ons dat die Here God is.”
* Ons sien dat hier nou eintlik twee groepe gevorm word binne die 12 stamme van Israel. Die twee groepe voel bedreig deur mekaar. Daar is ook wantroue onderling. Dit blyk egter dat beide die groepe wel die Here wil aanbid.
* Wat mooi is, is om te sien dat daar nie net sonder enige kommunikasie oorlog gemaak is nie. Die ongelukkige groep het ‘n priester segsman en 10 ander leiers gestuur na die ouens teen wie hulle dit het. ‘n Ontmoeting het plaasgevind en die ding is uitgepraat. Die konflik is uit uitgeklaar en as misverstand verklaar. Albei dien die Here.
* Jy moet ook ‘n les hieruit leer. Moenie net aanvaar dat dit wat jy dink iemand anders doen of sê, werklik so is nie. Gaan maak seker wat aangaan. Praat tog net met mekaar. Jy sal dalk eerder stilbly en dan broei die ding hier in jou hart. Wat later uitbroei, gaan nie mooi wees nie. Doen moeite en beskou dit as baie belangrik om die probleem, konflik of misverstand uit te klaar.
* Binne ‘n groot groep moet dit ook geld. Dit kan wees in ‘n familiekring, vriendekring, werkkring, kerk en orals...
* Wanneer jy weet dat jy met ‘n medegelowige te doen het, moet jy juis moeite doen. Probeer ook eers met die ongelowige te praat, al weet jy dat julle nie eintlik dieselfde fondament het nie. Dalk raak jy die ongelowige aan vir die Here. Dink veral ook aan Matt.18:15-17.
* Die naam vd altaar is so mooi: “Hy is die getuie tussen ons dat die Here God is”. Laat jou verhouding met jou geliefdes en ander mense so ‘n altaar wees. Laat jou manier van doen ‘n getuienis wees van wie en wat God Drie-Enig is. So is jy ‘n evangelis van formaat.
Baie sterkte vir die laaste deel van Novembermaand.
Groete. Seën word u/jou toegebid.
Joop van Schaik
2008/11/21
Oordenking: Josua 22:1-8
Geliefde in Christus, jammer dat ek nou eers weer aan die skryf kom. Ek het die voorreg gehad om die Oostelike Streek-Sinode by te woon. Dis die gebied vanaf Germiston tot in Komatipoort en Pongola. Ons het die mees vredevolle Sinode sitting gehad en ervaar. Daar was geen besware en netelige sake om te hanteer nie. Die hoogtepunt was die ondervraging van ‘n teologiese student en sy beroepbaarstelling. Ook het ons besluit om die Tans Oranje Instituut vir spesiale onderwys meer bekend te stel in die koerante en in ons gemeente. Ons sal graag ons vredevolle en baie goeie gesindheid onder mekaar na die Algemene Sinode van die GKSA neem. Mag die Here DV daardie vergadering seën.
So van seën gepraat, dis wat gedoen word deur Josua tot die Stamme Ruben, Gad en Mannasse.
Josua 22:1-8
v.1.. Josua het die stamme Ruben, Gad en die een helfte vd Manassestam geroep en vir hulle gesê: Julle het alles gehoorsaam gedoen wat Moses die dienaar vd Here julle beveel het.
v.3.. Julle het die hele tyd nie julle broers in die steek gelaat nie en gedoen wat die Here beveel het. Nou het julle broers ‘n woonplek. Gaan julle nou na julle eie woonplekke, die deel oorkant die Jordaan.
v.5.. Sorg net dat julle die gebod van die Here getrou onderhou, nl. Om die Here julle God lief te hê en volgens sy wil te lewe, sy gebooie te gehoorsaam, aan Hom getrou te bly en Hom met julle hele hart en siel te dien.
v.6.. Josua het hulle met ‘n seënwens laat gaan na hulle woonplekke toe.
v.8.. Gaan terug na julle woonplekke met groot rykdom, groot troppe vee, silver, goud....
* Net voordat Israel deur die Jordaan sou gaan, het die stamme gesê dat hulle die gebied daar duskant van die Jordaan as woongebied wil hê. Dis so goedgekeur, met die voorwaarde dat hulle eers saam sal gaan en in alle gevegte saam sal veg totdat al die stamme hulle grondgebied kon kry. Hulle het hulle woord gehou en nou kan hulle teruggaan. (Num.32 en 34:14)
* Nou is dit so mooi dat hulle met ‘n seën weggestuur word.
* Baie belangrik, hier aan die einde van die lang pad, voordat ‘n nuwe wonderlike tyd aanbreek, word hulle eers weer herinner aan God se liefde en gebod, hulle liefde vir God en hoe hulle Sy gebooie moet gehoorsaam met hart en siel.
* Dan kom die wegstuur met ‘n seën. Inderdaad is hulle ook geseënd, want hulle kon met rykdom, vee, edelmetale... terug keer en ‘n goeie lewe gaan leef.
* Wanneer mens so aan die einde van ‘n jaar kom, wanneer jy ‘n taak baie getrou afgehandel het, dan is dit lekker om mekaar te bedank en mekaar seën toe te wens. Die seën behels dat dit met jou goed mag gaan, maar die belangrikste is dat jy geestelike seën kan bly ontvang, dat jou verhouding met God kan verdiep en groei. Om die rede word jy ook vandag weer met die teksgedeelte geleer dat die Here gevolg moet word en dat jy elke oomblik moet lewe volgens Sy wil.
* Dit is ook my begeerte vir jou, mag jy deur die Here vasgehou word en mag jy geseën word deur die Here. Mag jy geestelike seëninge in oovloed kry en mag jy genoeg ontvang om van te lewe en om God te dien met jou hart en siel. Bly net asb. op die Here se pad.
Groete en seën.
Joop van Schaik
So van seën gepraat, dis wat gedoen word deur Josua tot die Stamme Ruben, Gad en Mannasse.
Josua 22:1-8
v.1.. Josua het die stamme Ruben, Gad en die een helfte vd Manassestam geroep en vir hulle gesê: Julle het alles gehoorsaam gedoen wat Moses die dienaar vd Here julle beveel het.
v.3.. Julle het die hele tyd nie julle broers in die steek gelaat nie en gedoen wat die Here beveel het. Nou het julle broers ‘n woonplek. Gaan julle nou na julle eie woonplekke, die deel oorkant die Jordaan.
v.5.. Sorg net dat julle die gebod van die Here getrou onderhou, nl. Om die Here julle God lief te hê en volgens sy wil te lewe, sy gebooie te gehoorsaam, aan Hom getrou te bly en Hom met julle hele hart en siel te dien.
v.6.. Josua het hulle met ‘n seënwens laat gaan na hulle woonplekke toe.
v.8.. Gaan terug na julle woonplekke met groot rykdom, groot troppe vee, silver, goud....
* Net voordat Israel deur die Jordaan sou gaan, het die stamme gesê dat hulle die gebied daar duskant van die Jordaan as woongebied wil hê. Dis so goedgekeur, met die voorwaarde dat hulle eers saam sal gaan en in alle gevegte saam sal veg totdat al die stamme hulle grondgebied kon kry. Hulle het hulle woord gehou en nou kan hulle teruggaan. (Num.32 en 34:14)
* Nou is dit so mooi dat hulle met ‘n seën weggestuur word.
* Baie belangrik, hier aan die einde van die lang pad, voordat ‘n nuwe wonderlike tyd aanbreek, word hulle eers weer herinner aan God se liefde en gebod, hulle liefde vir God en hoe hulle Sy gebooie moet gehoorsaam met hart en siel.
* Dan kom die wegstuur met ‘n seën. Inderdaad is hulle ook geseënd, want hulle kon met rykdom, vee, edelmetale... terug keer en ‘n goeie lewe gaan leef.
* Wanneer mens so aan die einde van ‘n jaar kom, wanneer jy ‘n taak baie getrou afgehandel het, dan is dit lekker om mekaar te bedank en mekaar seën toe te wens. Die seën behels dat dit met jou goed mag gaan, maar die belangrikste is dat jy geestelike seën kan bly ontvang, dat jou verhouding met God kan verdiep en groei. Om die rede word jy ook vandag weer met die teksgedeelte geleer dat die Here gevolg moet word en dat jy elke oomblik moet lewe volgens Sy wil.
* Dit is ook my begeerte vir jou, mag jy deur die Here vasgehou word en mag jy geseën word deur die Here. Mag jy geestelike seëninge in oovloed kry en mag jy genoeg ontvang om van te lewe en om God te dien met jou hart en siel. Bly net asb. op die Here se pad.
Groete en seën.
Joop van Schaik
Subscribe to:
Posts (Atom)
