Oordenking: Deut 24

Liewe Susters en Broeders,

Hier het ons weer ‘n mooi klompie dinge wat ons leer.

Deut 24
v.1..Skei vanweë iets onbetaamliks was wel toegelaat.. Die skeibrief was geskryf en oorhandig.
Die opskrif hier is: ‘neem jou medemens in ag.’
v.5..’n Pas getroude man, mag nie gaan oorlog maak nie.
v.6..13 gaan oor die pand by die arm man wat nie gevat mag word nie.
v.14.. jy moet die arm mens steeds menslik hanteer en sy loon nie terughou nie.
v.16.. Vaders word nie gestraf vir die kinders se optrede nie, en kinders nie vir die vaders se optrede nie. Elkeen word vir sy eie sonde gestraf.
v.17.. Jy mag nie die regte vd vreemdeling of weeskind wegvat nie. Israel moet onthou dat hulle self slawe was en deur God bevry is.
v.19.. As geoes word, moet die dele wat jy vergeet, net so los vir die vreemdeling, weeskind en weduwee. Dit geld vir die gerf, olywe en wingerd. Onthou jy was self ‘n slaaf...
*Reeds hier in die OT kom die onvolmaaktheid van die verhouding binne die huwelik. Die toegewing van amptelik skei met skeibrief was gemaak. Jesus se verlossing maak dit egter moontlik om dit deur die geloof te deurstaan. As dit wel gebeur het dat mens skei, moet daar berou wees, en dan gun die Vader jou weer ‘n tweede kans as Hy jou iemand anders laat ontmoet. Kom ons bid dat die Here verhoudinge en huwelike seën. Kom ons bid dat medegelowiges die seer van egskeiding kan oorkom.
*Om jou medemens in ag te neem, is geweldig belangrik. Elke keer word jy teruggeneem na wat jy was en is. Israel was self slawe en vreemdelinge. Ek en jy is self deur Jesus Christus verlos en moet ons seëninge tel.
* Rut kon by Boas die gerwe optel vir haar en Naomi. Later is Rut en Boas getroud en uit hulle nageslag is die Verlosser gebore. Doen jou werk getrou, sodat jy ook iets vir die wat in nood is, kan gee. Dis jou en die diaken se taak om om te gee en te deel

Baie mooi dag vir u/jou toegewens. Geniet jou werk en dien die Here daarmee, nie jou werkgewer nie. Wees bedag op die mense rondom jou, veral op hulle gevoelens.

Joop