Oordenking: Deut 23

Liewe Broeders en Susters. Dit was weer ‘n voorreg om saam met u die sigbare kerk van Jesus Christus hier op aarde te wees. Saam is ons kerk en dien ons die Here. Ons is veral uiters dankbaar vir die seëninge wat die Here vir ons gee, deur u dankoffer aan die Here, is die nood met die inkomste en uitgawes opgelos. Wat nou baie belangrik is, is u getroue dankoffer na u vermoë. Hou dop wat die Here met jou, my en KPN nog gaan doen!

Die doel van die epos bediening, is dat ons stelselmatig deur die hele Bybel werk. So skerp ons ons Bybelkennis op, en so sien ons die Here al hoe duideliker in ons lewe.

Deut. 23 – wie nie lid van die vergadering vd volk mag word nie.
Hier is ‘n vreemde klompie inligting.
v.1.. iemand wie se geslagsorgane verbrysel is of ontman is. Iemand gebore uit ontoelaatbare gemeenskap.
v.3.. geen ammoniet of moabiet. Jy mag ook nie in vrede met hulle lewe nie..
v.7.. Jy mag egter nie die Edomiet en Egiptenaar wegstoot nie.
Die kamp moet rein wees.
v.9..Wanneer jy optrek teen die vyand, pasop dat jy nie iets verkeerd doen nie. Onrein mense mag nie saam met jou optrek nie.
v.13.. Daar moet met ‘n stok ‘n gat gegrawe word vir as jy ‘n draai loop.
v.14.. Die Here gaan saam met jou oorlog toe en sal jou van jou vyand bevry.
v.15.. Jy mag nie ‘n slaaf wat wegloop terugstuur na sy eienaar nie..
v.17.. Prostitute mag nie by die tempel aangehou word nie en as sy ‘n offer wil bring aan die Here, mag dit nie aanvaar word nie.
v.18.. Behandel jou mede-Israeliet baie goed.
v.21.. Wanneer jy ‘n gelofte aan die Here aflê, moet jy nie traag wees om dit na te kom nie, anders sal Hy jou tot verantwoording roep en jy sal skuldig wees.
v.24.. Jy mag in die buurman se wingerd ingaan en iets pluk en eet, maar jy mag niks in jou sak steek nie, so ook tov die koringland.

• Gelukkig geld hierdie reël vd Here nie meer vandag nie. Nou mag enigiemand deel wees en word vd volk van God. In Matt.28:19 kom juis die opdrag: “gaan dan heen, maak dissipels van al die nasies...”
• Jesus Christus het juis baie deernis vir alle mense.
• Rut was ‘n Moabitiese vrou, en uit haar geslag is Jesus ook gebore.
• Gehoorsaamheid en reinheid is wat die Here van ons vra
• Persoonlike higiëne is NB vir ons. Jou liggaam is die tempel vd Heilige Gees. Mens kan dalk soms tekort kom in baie dinge, maar jy moet jou liggaam versorg uit eerbied vir jou Skepper. 1 Kor.6;19 “Of besef julle nie dat julle liggaam ’n tempel van die Heilige Gees is nie? Julle het die Heilige Gees, wat in julle woon, van God ontvang, en julle behoort nie aan julleself nie:…”
• Behandel alle mense met menslikheid. Paulus het aan Filemon geskryf en by hom gesmeek om die weggeloopte slaaf Onesimus met liefde terug te ontvang. Sien die boek Filemon.
• Jy moet jou inkomste op ‘n eerbare manier bekom. As jy dit bekom op ‘n manier wat die Here verafsku, dan sal die Here ook nie die dankoffer daaruit aanvaar nie. Mense vra gereeld, as ek die lotto wen en ek gee daarvan vir die kerk, sal die kerk dit aanvaar? Die antwoord kom hier duidelik: nee.

Kom ons dra mekaar se laste, toon respek vir mekaar ongeag welstand of agtergrond. Bewys begrip met deernis aan mekaar. Ons ontvang elkeen baie genade.


Baie sterkte en seën vir u.

Joop