Oordenking: Deut 25

Geliefdes, die Bybel is nie ‘n teorie boek nie. Die Bybel is gee praktiese opdrag vir hoe jy moet lewe. Neem altyd in ag wat die Nuwe Testament sê en verstaan die Ou Testament daardeur, so ook anders om. Kom ons kyk wat vandag in Deut 25 na vore kom. Mag die Heilige Gees ons lei om te begryp, te leer en toe te pas.

Deut.25
v.1-4 gaan oor ‘n billike verhoor en straf. 2 mans is in hofsaak betrokke. Die regter lewer sy uitspraak, een is skuldig en ander nie. Die skuldige een moet kry wat hy verdien, maar die maksimum is 40 houe op die rug.
v.5-10 gaan oor die verantwoordelikheid van ‘n swaer.
v.5.. waar 2 broers saamwoon, en een sterf sonder ‘n seun, moet die weduwee trou met haar swaer – sodat hy sy verantwoordelikheid teenoor haar moet nakom.
v.7.. As die broer/swaer dit nie wil doen nie, moet sy hom verkla by die leiers.
v.8.. Die leiers ondersoek dit, as hy wel skuldig is, moet die weduwee voor die leiers sy skoen uittrek en hom in die gesig spoeg. Hy sal bekend staan “as Huis vd uitgetrekte skoen”.
v.11-16 Tree reg en billik op.
v.11.. as 2 mans baklei en die een se vrou kom help – sy gryp die ander man aan die ..., dan moet haar hand afgesny word.
v.13... Gewigte wat gebruik word vir afweeg, moet altyd dieselfde wees. Inhoudsmate moet ook dieselfde wees. Jy moet billik en regverdig afweeg.
v.16.. God het ‘n afsku in die een wat oneerlik is en ander bedrieg.
Amalek moet uitgeroei word.
v.17.. Onthou wat Amalek gedoen het – hy het julle van agter ingehaal en aangeval – baie mense het gesterf. Die Here gaan egter aan jou oorwinning gee en jy moet Amalek en alles van hom van die aarde uitwis.
* Die howe en die regstelsel is vandag ook die hele tyd in die nuus. Dit bly ‘n beroep waarin die Here as voorbeeld gevolg moet word. Daar moet regverdig beoordeel word, en die straf moet pas by die oortreding. Konsekwentheid is NB. Jy mag ook nie te ver gaan nie. In jou huis met die kinders en kleinkinders, in die skool en werk en... neem jy elke dag besluite oor hoe jy gaan optree. Kom ons weer billik met mekaar.
*In ons tyd geld hierdie reël nie meer nie. Tog leer ons dat jy moet omgee vir mekaar, veral vir jou familie. Gesinne en families skeur so maklik los van mekaar. Iets van peetouers kom seker hier navore.
* Daar is baie keer erge konflik. Tog moet jy jouself kan handhaaf en nie grof en onbeskof optree nie. Die vrou het ‘n vinnige oplosing gekry om te vat waar dit seermaak. Vandag is dit ook een van die dinge wat ons ‘n dogter leer met selfverdediging. Wat nou? Ek dink, respekteer mekaar se liggaam, slegs in ware noodsituasies kan jy oorgaan tot die drastiese.
* Bedrog en oneerlikheid met goedere, gewig, suiwerheid... is aan die orde vd dag. Jy kan so maklik water by die melk gooi. Jy kan so maklik iets onder deur die tafel bekom. Hierdie oneerlikheid is egter steel. Wees eerbaar in besigheid en arbeid. Leer eerder as om af te kyk. Oefen eerder vir jou plek as om wit voetjie te soek. Wees trots op jou Christenskap en werk vir jou geld en plek.
* Amalek was ‘n lafhart en die Here se straf moes hom toekom. In 1 Sam 28 was dit Saul se opdrag om Amalek en sy hele volk en eiendom uit te wil. Tog is dit nie gedoen nie. Ons sit ook met die probleem van kinders en groot mense wat lafhartig is. Jy kom iemand by, of iemand kom jou by, verneder jou, is skelm en slinks. Dit maak baie seer. Vat jou pak as jy skuldig is en stel dit reg. Wees self bereid om op te staan en die beginsel op die tafel te plaas. Aan die ander kant – Hou by wat die Here vir jou sê en voer dit deeglik uit.

Baie mooi dag vir u/jou


Joop