Oordenking: Josua 2

Liewe Broeder en Suster in Christus. Verken vandag weer verder deur die Woord en Gees.

Josua 2

v.1..Josua stuur 2 verkenners uit na Jerigo. Hulle kom uit by die huis van Ragab die protituut. Sy het hulle ontvang as gaste en versorg. Die koning v Jerigo gee opdrag dat sy hulle moet uitlewer.

v.4.. Sy het hulle egter versteek en die boodskap gegee dat hulle al klaar weg is. Hulle is in die dak tussen die vlasstoppels weggesteek.

v.8.. Voor die verkenners aan die slaap geraak het, sê sy vir die 2: “Ek weet die Here gee vir julle die land, ons is skrikbevange vir julle... Ons het gehoor hoe die Here die water vd Rietsee weggedroog het,... asook die trek uit Egipte.. en die gevegte...”

v.11.. Niemand het moed teen julle nie, want julle God, die Here, is God, bo in die hemel en onder op die aarde.

v.12.. Sy vra dat hulle ‘n eed aflê om haar en haar familie se lewe te spaar wanneer hulle Jerigo kom beleër. Die verkenners lê die eed af.

v.15.. Sy laat hulle met ‘n rooi tou deur die venster na buite sak. Die rooi tou moet daar hang as die stad aangeval word, dan weet almal waar sy/hulle is.

v.23.. Verkenners gaan terug na Josua en berig: “Die Here gee die hele land oor in ons mag”... almal bewe al...

* Soos Josua en Kaleb self verkenners was, so stuur Josua weer 2 verkenners uit. Ek en jy moet ook biddend verken voordat ons iets doen. Jy moet verantwoordelik wees, vra, bid en jou huiswerk doen. Dan kan jy met sekerheid en leiding van die Here enige taak aanpak.

* Die Here gebruik die prostituut, die slegste van die slegtes, in sy raadsplan. Ons is geneig om neer te sien op ander mense, veral die wat gebrandmerk is as die grootste sondaars. Onthou ons is maar almal sondaars. Jy kan dalk verras wees oor wie jy in die hemel gaan kry. Kom ons bid eerder dat die Here juis die swakkes en sondiges tot bekering sal bring en dan ook in Sy Koninkryk sal gebruik.

* Ragab glo al klaar in God en weet Sy sal gered word deur Hom. Kom ons luister na die noodkreet van “sondaars” en reik uit. Hulle glo ook in jou God.

* Die verkenners is net so positief soos wat Josua en Kaleb baie jare gelede was: “Die Here gee die land oor”.. Ek dink dit is hoe ons ook na die lewe moet kyk. Jy pak nie iets aan op jou eie nie, jy luister en kyk eerste na die Here, en dan weet jy wat gedoen moet word. Die sukses hang dus nie van jou af nie, jy voer eintlik net die opdrag vd Here uit. Ek is so daarvan oortuig dat die GKSA, dat elke Gereformeerde Kerk, die beste geleendheid het om God se Koninkryk hier in SA en elke dorp, te laat kom. Kom ons werk binne die gemeente, binne elke Christelike kerk dubbel so hard. Kom ons reik uit na buite, want daar is baie mense wat kerkloos is, godloos is, so ook baie kerklose Christene. Mense is soekend en jy is die een wat deur God gebruik word. Bid, luister, kyk en doen wat God op jou hart plaas. Verken, luister,doen.


Mooi dag verder.


Joop van Schaik