Oordenking: 25 Augustus 08 - Deut 5-7

Dagse broeder en suster
Gister was ‘n dag waarop die Here ons geseën het. Mag God Sy seen verder op ons uitstort.

Ons het laas Deut 2-4 bekyk.
Vandag scan ons Deut 5-7

Toe ek saterdag my stiltetyd hou, net voor ek weer die preek afrond, het die Here dit beskik dat ek by Deut 5 trek! Dit met die voorbereiding vir verootmoediging. Wonderlik hoe die Here werk.

Deut 5
v.1 Moses roep die Israeliete bymekaar en kondig God se gebooie af.
V2. Die Here het ‘n verbond gesluit met hulle en die gebooie is die bepalinge daarvan.
v.6-21 Die 10 gebooie (Moses was die eerste ou wat al 10 gebooie op een slag kon breek)
v.22 Die gebooie is duidelik hoorbaar vir almal
v.32 Die gebooie moet nougeset nagekom word.
Deut.6
v.1 Dit is die wet sodat julle daarvolgens kan lewe.
v.2 Dien die Here jou lewe lank.
v.4 Die Here is die enigste God wat daar is.
v. 5 wees lief vir God met jou hele hart en siel, met al jou krag.
v.6,7 24 uur moet die gebooie in jou gedagtes wees en jy moet dit die kinders inskerp.
v.10 Wat God belowe het, dit doen Hy
v.12 Moenie die Here vergeet nie
v.15 God eis onverdeelde trou en Hy weet presies wat jy doen.
v.17 Die gebooie moet stiptelik gehoorsaam word.
V,20… Vertel jou kinders van God se genade.
Deut 7
v.1 Die Here laat jou in besit neem wat Hy vir jou bestem het
v. 1 Die Here laat jou die vyand, wat baie groter is, oorwin.
v. 2 Jy mag geen verbond of kompromie met die viand aangaan nie.
v.4 ondertrou met ongelowiges, veroorsaak dat jou seuns en dogter weggerokkel word en ander gode aanbid.
v.6 Jy is deur die Here afgesonder en gekies.
v.7 Jy is gekies, nie omdat jy die beste is nie, maar omdat God Sy belofte nakom.
v.9 God is betroubaar.
v.21 Moenie bang wees nie, die Here is by jou.
v.25 Moenie die afgodsbeelde twv die goud en silver in jou huis bring nie, dit sal jou in ‘n valstrik laat trap.

Wat mens tref, is die absolute nougesetheid waarmee ons die Here se wil moet ken en uitvoer. Die oomblik as jy skietgee, dan kom die invloed.
God is die enigste ware God en Hy is Almagtig, moenie bang wees nie, want Hy gee oorwinning
God is absoluut betroubaar.
Vertel van God se liefde vir jou kinders, kleinkinders…
Wees 24 uur in diens van God.



Geseende dag.

Joop